შოთა რუსთაველის სახელმწიფო უნივერსიტეტი წარმომადგენლობითი საბჭოს გადაწყვეტილებით ტრადიციულად აგრძელებს სოციალურ პროგრამას სოციალურად დაუცველი წარჩინებული სტუდენტების დასახმარებლად. პროგრამა „სტუდენტთა შეღავათები სწავლის საფასურში“ უნივერსიტეტის ბიუჯეტიდან დაფინანსდება და ხელს შეუწყობს შეზღუდული შესაძლებლობების მქონე პირებსა და ეკონომიკურად შეჭირვებული ოჯახის შვილებს სწავლის სათანადო პირობების შექმნაში, ასევე საზოგადოებაში ინტეგრაციასა და სოციალური მდგომარეობის გაუმჯობესებაში.
 პროგრამა პირველად, 2007-2008 სასწავლო წელს განხორციელდა და დღემდე რამდენიმე ათეულმა სტუდენტმა შეძლო სასწავლო გრანტის მოპოვება. სოციალური პროგრამაში ჩართვა, ამჯერადაც, საკონკურსო წესით მოხდება. კონკურსი რადმენიმე დღეა გამოცხადებულია და კონკურსანტთა რეგისტრაცია 13 მარტს დასრულდება.
 გამარჯვებულებს სპეციალურად შექმნილი კომისია რომელიც შედგება უნივერსიტეტის ადმინისტრაციის, ფაკულტეტებისა და სტუდენტთა თვითმმართველობის წარმომადგენლებისაგან დაკომპლექტდება, აკადამიური საბჭოს მიერ დადგენილი კრიტერიუმების საფუძველზე გამოავლენს. კერძოდ,   სტუდენტი უნდა იყოს სოციალურად დაუცველი ოჯახის წევრი, რომლის ეკონომიკური მდგომარეობა სოციალურად დაუცველი ოჯახების მონაცემთა ერთიან ბაზაში შეფასებული იქნება 70 000 ან უფრო ნაკლები სარეიტინგო ქულით. მონაწილეთა შერჩევისას დიდი ყურადღება მიექცევა შეზღუდული შესაძლებლობისა და საქართველოს ტერიტორიული მთლიანობისათვს ბრძოლაში დაღუპულ შვილს, ლტოლვილს, მრავალშვილიანი ოჯახის შვილს, ობოლს და ა. შ. აღსანიშნავია ის გარემოებაც, რომ შოთა რუსთაველის სახელმწიფო უნივერსიტეტი დედ-მამით ობოლ სტუდენტებს საერთოდ ათავისუფლებს სწავლის გადასახადისაგან.
  სასწავლო სოციალურ პროგრამაშიმონაწილეობის უფლება არ აქვს სტუდენტს, რომელიც იღებს სახელობით ან სხვა სახის  სტიპენდიას ან კიდევ გააჩნია სახელმწიფო სასაწავლო გრანტი.