გორის გამგებლისთვის სასაცილო სოფელ ქვახვრელში არსებული მდგომარეობა აღმოჩნდა. აქ მოსახლეობას ერთი მეასედი ნაკვეთის მორწყვისთვის 3 ლარის გადახდას სთხოვენ. ამაში წყლის კომპანია მტკვარი ემ-ის დირექტორი დავით მუჯირიშვილი საგანგაშოს ვერაფერს ხედავს. მისი თქმით, ქვახვრელში ზედაველის ველის 5 ჰა ფართობი ნაკვეთების მორწყვისთვის წყალსაქაჩიდან ამავალი წყალია საჭირო. ,,ჩვენი გათვლებით ერთი მეასედი ნაკვეთის მორწყვისთის 3 ლარია საჭირო, ანუ ერთი ჰექტარი - 300 ლარი. ეს თანხა ელექტროენერგიის და სხვა ტექნიკური საშუალებების ხარჯებს გულისხმობს." - გვითხრა დავით მუჯირიშვილმა.

სამაგიეროდ, გორის გამგებლის ხმიადაშვილის გამოსვლა დანარჩენი გამგებლებისთვის სახალისო იყო. ხაშურის გამგებელი როინ მახარობლიძე, კასპის გამგებელი ნიკო ხაჩირაშვილი და ქარელის გამგებელი ილია ბურჯანაძე ხმიადაშვილის სიტყით გამოსვლის დროს სიცილს და ირონიას ვერ იკავებდნენ. ერთმანეთს საკუთარ აზრებს ფურცლებზე დაწერილი ტექსტებით უზიარებდნენ.

რაც შეეხება იმას, თუ დანარჩენმა გამგებელმა რა საკითხებიც წამოჭრეს, მათ მიერ დასახელებული არც ერთი პრობლემის გადაწყვეტა მუნიციპალიტეტის უფლებამოსილებაში არ შედიოდა. დენის, წყლის და გაზის პრობლემები კასპის, ქარელის და ხაშურის გამგებლებმა ისე წარმოაჩინეს, თითქოს ყველაფერში გაზისა და ენერგოკომპანიების წარმომადგენლები იყვნენ დამნაშავენი

ქარელის გამგებელი ილია ბურჯანაძე ყველაზე მეტად სოფელ იმერხევის 15 წლიანი უშუქობითაა შეწუხებული. სოფელში სადაც 23 ოჯახი ცხოვრობს, გამგებლის ინფორმაციით, ელექტროენერგია არ მიეწოდება.

,,ბატონო ზურაბ, ყველაზე დიდი პრობლემა გვაქვს სოფელ იმერხევში, სადაც 23 ოჯახი ცხოვრობს. 15 წელია ამ სოფელს ელექტროენერგია არ მიეწოდება." - განუცხადა ბურჯანაძემ.

ილია ბურჯანაძე სარწყავი წყლის პრობლემებსაც შეეხო. მისი თქმით, ქარელის რაიონში ეს პრობლემა მოგვარებულია, თუმცა განაპირა სოფლებში მაინც შეიგრძნობა წყლის სიმცირე. სხვათა შორის, გამგებელი ბურჯანაძე მოსახლეობას ბევრ რამეს აბრალებს, გარდა იმისა, რომ ხალხს გადასახადის გადახდა არ უნდა, ამავე დროს წყალს უდიერად ეპყრობაო. ილია ბურჯანაძემ მოითხოვა ე.წ. მერუეების ინსტიტუტის გაძლიერება.

,,ქარელის რაინში სარწყავი წყლის პრობლემა მოგვარებულია, თუმცა ისეთ სოფლებში როგორიცაა რუისი და ურბნისი, წყლის სიმცირე შეინიშნება. ეს გამოწვეულია იმით, რომ თუკი ხაშურის რაიონში არხი სავსეა, რუისამდა უკვე ვეღარ აღწევს. ჩემი აზრით, ეს მერუეების ბრალია, ცოტა მეტი მერუეები რომ ჰყავდეთ, არხებში მოწყვის დროს წყლის რაოდენობას გააკონტროლებენ. ზოგი მორწყვის შემდეგ ღიად სტოვებს არხს და შესაბამისად იკარგება წყალი" - ამბობს ილია ბურჯანაძე.

კასპის გამგებელმა კახა ხაჩირაშვილმა სიტყვით გამოსვლა სარწყავი წყლის პრობლემებით დაიწყო. მის სამოქმედო ზონაში ახმაჯის ანუ თეზი-ოკამის 20 კმ-იანი არხია დაკეტილი, საიდანაც თითქმის 10 სოფელი ირწყვება. როგორც ირკვევა, ახმაჯის არხი რუსმა ჯარისკაცებმა მხოლოდ მაშინ გამოუშვეს, როდესაც ერთ-ერთი რუსი სამხედრო წყალში დაიხრჩო და მის ამოსაყვანად არხის დაცლა გახდა საჭირო.

კასპის გამგებლის თქმით, სოფელ თვაურებში ნიქოზის კაშხლის იდენტური სატუმბი მოწყობილობის გაკეთებაა საჭირო,. წყლის კომპანია ,,მტკვარი ემ"-ის წარმომადგენელი დავით მუჯირიშვილი ამბობს, რომ თვაურებში წყლის სატუმბის გაკეთება 5 მლნ ლარი დაჯდება, რომელსაც თავის მხრივ ელექტროენერგიის ხარჯზე მუდმივ სუბსიდირება დასჭირდება.

რაც შეეხება სასმელ წყალს, ხაჩირაშვილს აღაიანის სასმელი წყლის პრობლემა ჯერ ვერ მოუგვარებია ამ სოფლის. ზემო დასახლებაში ჭებში წყალიც კი არ ამოდის. გაეროს პროგრამით, იანვრის თვეში სამუშაოები ჭაბურღილების სამუშაოები დაიწყო. სამუშაოები ორშაბათს-სამშაბათს დაიწყება და ერთ კვირაში უნდა დასრულდეს.

კასპის გამგებელის ინფორმაციით მაღალმთიან სოფლებში ცხავერში და გოსტიბეში წლებია ელექტროენერგია არ არის.

ხაშურის გამგებელს როინ მახარობლიძეს, რომელმაც რამდენიმე გუბერნატორი გამოიცვალა, მთავარი პრობლემა სურამში აქვს. სასმელი წყალის სათავე ნაგეგობა იქ არ იწმინდება და მოსახლეობა დაბინძურებულ წყალს სვამს. მსოფლიო ბანკის დაფინანსებით, ეს პრობლემა გვარდება.

ხაშურის რაიონში მდებარე 25 ოჯახიანი სოფელი ელექტროენერგიის გარეშე წლებია ცხოვრობს. როინ მახარობლიძე სწუხს რომ სახელმწიფოსა და ენერგოკომპანიას შორის გაფორმებულ ხელშეკრულებაში არ არის ჩადებული ასეთი სოფლების გამრციხველიანების ჩადება.

გორის რაიონის გამგებელი დავით ხმიადაშვილი ამბობს რომ ენერგოენერგიის პრობლემა გორის რაიონში არ არსებობს. გაზიფიკაციას რაც შეეხება, ქალაქ გორის მოსახლეობის 98% გაზიფიცირებულია. ხმიადაშვილი იმითაც ამაყოფს, რომ მოსახლეობას საკუთარი ხარჯებით შეყვათ გაზი სახლებში.

დიცის საკრებულო ოსების მხარის მიერ გამოშვებულ წყალზეა დამოკიდებული, მოლაპარაკების გზით 2 თვეა ტირიფონის არხი ოსებს არ დაუკეტიათ, ამის გამო სოფლები დიცი, არბო და ქერე წყალს უპრობლემოდ იღებს. რაც შეეხება ნიქოზის კაშხალს, ამ კაშხლით თვითონ სოფელი ნიქოზი და მისი მეზობელი ხვითი ვერ სარგებლობს. ხმიადაშვილმა სხდომაზე განაცხადა, რომ ერთი საათის წინ ოსურ მხარემ სალთვისის არხი გამოუშვა, ამ არხით სოფელი ნიქოზი სარგებლობს.

ასეთი ტიპის შეხვედრა 2 საათში დასრულდა. ქართლის ხმის ჟურნალისტებმა მედიაზე შეზღუდვის პრობლემებზე წამოჭრეს. არსოშვილმა არ დააკონკრეტა ვადა იმის შესახებ,თ როდის შესძლებენ ადმინისტრაციულ შენობაში ჟურნალისტები პროფესიული საქმიანობის შესრულებას უსაფრთხოდ. არსოშვილის თქმით, ეს უახლოეს ხანებში მოხდება. ცნობისათვის, ,,ქართლის ხმის" ჟურნალისტებს ადმინისტრაციულ შენობაში მუშაობის პრობლემა 2008 წლიდან აქვთ. ამავე სიტუაციაში ამჯერად ტელეკომპანია ,,თრიალეთის" ჟურნალისტები არიან. ზურაბ არსოშვილმა ასევე არ მოგვიწონა სოფელ დვანის შესახებ დასმული კითხვა, აღნიშნულ სოფელში, რომელიც სამი ოსური სოფლითაა გარშემორტყმული, დაზიანებული აქვს მისასვლელი გზა. გუბერნატორმა გვირჩია, რომ შეხვედრაზე სადაც წყალზე, დენზე და გაზზეა საუბარი, გზების და კარგი ცხოვრების შესახებ კითხვები არ დაგვესვა.

 იხილეთ აუდიო-ვერსია:

http://regions.ge/video.php?video_id=82&width=320&height=240