,,ბორჯომი~. 12 აგვისტოს კულტურის სამსახურის და საგამოფენო საქმიანობის ცენტრის თაოსნობით კულტურის და ხელოვნების ცენტრის საგამოფენო დარბაზში საზეიმოდ გაიხსნა ბორჯომელ მხატვართა ნამუშევრების გამოფენა. დამთვალიერებელთა მაღალი შეფასება დაიმსახურა წარმოდგენილმა ფერწერულმა ტილოებმა, ქანდაკებებმა, მრავალფეროვანმა გრაფიკამ.
გამოფენაში მონაწილეობდა 17 ხელოვანი, მათ შორის აღიარებული მხატვრები თანგული ორთოიძე, თემურ ფხიკიძე, პეტრე დიასამიძე, ომაზ ჩხეიძე, შორენა გოგოლაძე, ელდარ ბლიაძე, დავით ხაჩიძე, ზურაბ გაგლოშვილი, გურამ გელაშვილი, შორენა ბაკურაძე, შესანიშნავი ნაქარგები, თექა და სუვენირები წარმოადგინეს ელზა ახალკაცმა, ნონა სამსონიძემ, მაია ხარაზიშვილმა, ირმა მელიქიძემ.
დამთვალიერებელთა დიდი ინტერესი გამოიწვია თანგული ორთოიძის მიერ ხეში გამოკვეთილმა ვაჟა-ფშაველამ და სხვა მხატვართა შემოქმედებამ.
გამოფენა საზეიმოდ გახსნა, მხატვრები და დამთვალიერებლები დალოცა ბორჯომ-ბაკურიანის ეპარქიის მიტროპოლიტმა სერაფიმემ. სიტყვებით გამოვიდნენ კულტურისა და ძეგლთა დაცვის სამსახურის უფროსი მაია გულიაშვილი, სამხატვრო სკოლის დირექტორი თემურ ფხიკიძე, მუზეუმის დირექტორი ვიოლეტა ბალახაშვილი, ბორჯომის რაიონის მაჟორიტარი დეპუტატი გიორგი ტალახაძე, პროფესორი თემურ ბიბილური, ტრისტან ცუცქირიძე, ლევან გოცირიძე და სხვები.
მუნიციპალიტეტის მიერ გამოყოფილი თანხებით შეძენილი იქნა საუკეთესო ნამუშევრები, სწორედ ამ წესით შეძენილი ფერწერული ტილოებით გადაწყვეტილია შეიქმნას სამხატვრო გალერეა.
მეუფე სერაფიმემ წმინდანთა ხატებით დააჯილდოვა გიორგი ტალახაძე, სტეფანე გაბრიელიძე, ვახტანგ მაისურაძე, არჩილ მიქელაძე, მაია გულიაშვილი, დავით ჩადუნელი.
გადაწყდა ასეთი გამოფენები ამიერიდან წელიწადში ორჯერ მოეწყოს.