 |
 |
 |
|
|
|
|
სიხარული, რომელიც ჯერ ცოტა შორსაა |
,,ბორჯომი~. კაცმა სიმართლე უნდა თქვას, მართლაც სასიხარულო, საშვილიშვილო საქმე კეთდება, როგორც იქნა სრულდება მრავალი წლის დანაპირები და ბორჯომში მთლიანად იცვლება წყალ-კანალიზაციის ქსელი. მართლაც სწრაფად და როგორც სპეციალისტები ამბობენ, ხარისხიანად გაკეთდა ეს რთული საქმე ქალაქის ცენტრალურ ქუჩებსა და მოედნებზე.
ბორჯომელები რაიონის ხელმძღვანელობას, აქ დასაქმებულ და რიგით მუშაკებსაც მადლიერებით მოიხსენიებენ.
სამწუხაროდ, პერიფერიულ ქუჩებზე მშენებლობის ტემპი არასახარბიელოა და ხარვეზებიც საკმაოდაა.
სურათზე ასახული ეს თხრილი პეტრიწის ჩიხშია გადაღებული. ამ პატარა ქუჩის მცხოვრებთა უმეტესობას საცხოვრებელი ქუჩის ერთ მხარეს აქვს, სამზარეულო და სხვა სათავსოები მეორე მხარეს. უკვე 12 დღეზე მეტია, ვინ მოთვლის, რამდენჯერ კალიებივით (ბოდიში) უხდებათ ხტუნვა აქეთ-იქით.
აქ მიმდინარე სამუშაოებს რომ ვუყურებ, ერთი საბჭოური ანეკდოტი მაგონდება: სამი ბრიგადა მილების ჩაწყობაზე მუშაობდა _ ერთი თხრიდა, მეორე მილებს აწყობდა, მესამე მიწას აყრიდა. ერთ დღეს ერთი ბრიგადა მიწას თხრიდა, მეორე კი მაშინვე აყრიდა, გაკვირვებულ გამვლელს აუხსნეს, მილების ჩამწყობი ბრიგადა არ გამოვიდა, მერე ჩააწყობენო. მთლად ასე არაა, მაგრამ მაინც ჰგავს დღევანდელ მშენებელთა საქმიანობას, ერთხელ მთელი ჩიხი გადათხარეს _ ჭებისთვის, მერე ამოავსეს, რომ ვიფიქრეთ, ამოვისუნთქეთო, ახლა მილების ჩაწყობისთვის გაიყვანეს თხრილები, მილები ჩააწყვეს, მერე ისევ ამოიღეს და სხვაგან, უფრო საჩქაროდ გასაკეთებელ ქუჩაზე წაიღეს. რამდენიმე დღე პირდაღებული თხრილი მილებს ელოდა, მერე, როგორც იქნა, თხრილი ამოივსო, მაგრამ იქაურობა დევების ნაბრძოლს დაემსგავსა და ნაწვიმარზე ლაფსა და ტალახში გავლა შეუძლებელია. ახლა პეტრიწის ქუჩის ზედა მხარეს ხდება მსგავსი ამბავი. ერთი მტკაველი ვიწრო ქუჩაა და ალაგ-ალაგაა თხრილები. რამდენიმე ბრიგადა მუშაობსო. 7 სექტემბერს, როგორც ჩანს, ყველა ისვენებდა.
არც პარალელური _ გამარჯვების ქუჩაა უკეთეს დღეში, წყალგაყვანილობის სამუშაოებს რომ მორჩნენ, ახლა გაზის მილების ჩასაყრელად გადათხარეს. დავუშვათ, ასეა საჭირო, მაგრამ, ცოტა ფრთხილად ხომ უნდა აკეთებდნენ საქმეს. დაუდევრობით, ახლახან, არჩევნების წინ გაკეთებული კიბეები დაამსხვრიეს. ახლა ,,ბორჯომიგაზის~ სამსახურის მუშაკები გვპირდებიან, კიბეებს შეგიკეთებთო, მეორენი კი _ ქუჩას მოვაწესრიგებთ და ასფალტს დაგიგებთო. ეს ყოველივე ძალიან კარგი და სასიხარულოა. სასიხარულოა, ისიც რომ, ბევრი რამ კეთდება ჩვენს ქალაქში ხალხისთვის, რომ ბოლოს და ბოლოს ბორჯომს სუფთა წყალიც ექნება, მაგრამ ეს სიხარული ჯერჯერობით შორსაა. ხალხი დაიღალა ამდენი ხმაურით, მტვრით და გაჭიანურებული მშენებლობით.
იზა სანიკიძე
02.09.2010 |
ინფორმაცია მოწოდებულია: გაზეთი ”ბორჯომი”
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო
REGIONS.GE
|
|
|
|
 |
 |
|
|
|
|
|
 |
|
|
|
| ორშ | სამ | ოთხ | ხუთ | პარ | შაბ |
კვ
|  | | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | 31 | | | |
|
|
|
|
|
|
|
|
 |
|
|
|
|
 |
|
|
|
|
თბილისი
|
დღეს |
ხვალ |
|
ამინდი |
 |
 |
|
დღისით |
+ 26 °C
|
+ 26 °C
|
|
ღამით |
+ 12 °C
|
+ 13 °C
|
|
ამინდის პროგნოზი
|
|
|
|
|
|
|
|
|
|
-0.0057
