მდებარეობა: გურია მდებარეობს საქართველოს დასავლეთ ნაწილში. მისი ფართობია: 2,0333კვ. კმ.
ადმინისტრაციულ-ტერიტორიულ ერთეულები: ოზურგეთი, ლანჩხუთი, ჩოხატაური
ადმინისტრაციული ცენტრი: ოზურგეთი
ადმინისტრაციული მოწყობა: მხარის ადმინისტრაციული ერთეულებია: ქალაქის მერია - 1, რაიონის გამგეობა - 3, მუნიციპალიტეტის საკრებულო - 3, მხარეში სახელმწიფო მმართველობას ახორციელებს საქართველოს პრეზიდენტის მიერ დანიშნული სახელმწიფო რწმუნებული.
მოსახლეობა: 143 000 კაცი, მოსახლეობის აბსოლიტური უმრავლესობა ქართველებია, ასევე ცხოვრობენ თურქი მესხები, სომხები კი მოსახლეობის დაახლოებით 2% შეადგენენ.
ეკონომიკა: ბუნებრივი კლიმატური პირობების გამო რეგიონში ძირითადად განვითარებულია სოფლის
მეურნეობა და მასთან დაკავშირებული გადამამუშავებელი მრეწველობა. რეგიონი მდიდარია წყაროს წყლებით, რომლებიც აკმაყოფილებენ ყველა ეპიდოლოგიურ და ჰიგიენურ მოთხოვნას, უსაფრთხოა რადიაციული და ქიმიური თვალსაზრისით. რეგიონის წამყვანი დარგებია: მეციტრუსეობა, მარცვლეულის მეურნეობა, მეცხოველეობა. მრეწველობაში წამყვანია კვების და საშენ მასალათა დარგები.
ღირსშესანიშნაობები: გურია გამოირჩევა განსაკუთრებული თვითმყოფადობის მქონე, მდიდარი, შესრულების მხრივ ურთულესი ფოლკლორის ნიმუშებით, რომლის ნათელ მაგალითსაც "კრიმანჭული" წარმოადგენს.
გურიის ტერიტორია მდიდარია არქეოლოგიური ძეგლებითა და უძველესი ნამოსახლარებით, უძველესი მათგანი 250 000 წლის წინანდელია. ძეგლებს შორის აღსანიშნავია: ტაძარი "შემოქმედის ზარზმა"(ოზურგეთის რაიონი, 1577 წ.),
ჯიხეთის ღვთისმშობლის სახელობის ტაძარი - (ამჟამად დედათა მონასტერი, ლანჩხუთის რაიონი, 1896 წ.),
ჯუმათის მთავარანგელოზთა სახელობის მონასტერი (ოზურგეთის რაიონი), გურიის უდაბნოს სავანე - უძველესი სამონასტრო კომპლექსი, სადაც იოანე ნათლისმცემლის სახელობის მამათა მონასტერი მდებარეობს (ჩოხატაურის რაიონი) და სხვ.
აღსანიშნავია გურიის ცნობილი სამკურნალო კურორტი ბახმარო, რომელიც აჭარა-გურიის მთაგრეხილზე, ზღვის დონიდან 2 050 მეტრზე, ჩოხატაურის რაიონში მდებარეობს.
სასარგებლო კონტაქტები:
|
)
)
)
)
