თოვლის საფარმა სოფლებში ნახევარ მეტრს გადააჭარბა. ქალაქებში კი, მისი სიმაღლე 30 სანტიმეტრს აღწევდა.
ქალაქში და სოფლად ანუ მთელი მუნიციპალიტეტის ტერიტორიაზე ტექნიკის მობილიზაცია, როგორც გამგებლის მოადგილემ, გია ტაკიძემ ჩვენთან საუბარში აღ-ნიშნა, ადგილობრივმა ხელისუფლებამ გაავდრებამდე რამდენიმე დღით ადრე მოახდინა. 
‘’ჯისიბისა’’ და ‘’ბელარუსის’’ ტიპის ტრაქტორები ოზურგეთის მუნიციპალიტეტის ყველა სოფლის, თემისა თუ დაბის მიმართულებით მოძრაობდა და გაწმენდით სამუშაოებს სპეციალური თოვლის საწმენდი დანებით ახორციელებდა.
სამდღიან თოვას ოზურგეთის მუნიციპალიტეტში მატერიალური ზარალი, სახლებისა და სახურავების დაზინება არ მოჰყოლია. 26 თებერვალს ელექტროენერგიის რამდენიმე საათიანი გათიშვა კი, ცენტრალურ ქვესადგურში მომხდარმა ავარიამ გამოიწვია. გარდა რამდენიმესაათიანი შუქის გათიშვისა, მუნიციპალიტეტის მთელ ტერიტორიაზე სხვა რაიმე სახის შეფერხება, როგორც მუნიციპალიტეტის გამგებლის მოადგილემ გვითხრა, არ ყოფილა. 
ცენტრალური მაგისტრალები, მთავარი ქუჩები და გზები მუნიციპალიტეტის სოფლების მიმართულებით, როგორც ტაკიძემ აღნიშნა რამდენიმე დღის განმავლობაში იწმინდებოდა. 
 უეცრად მოსულ ნალექზე მეტად, მოსახლეობა დამდმნარი თოვლის შედეგად ქუჩაში დამდგარმა წყლის გუბეებმა კი არა და ‘’მდინარეეებმა’’ შეაწუხა. წყლის ნაკადულების რაოდენობა შეიძლება ნაკლები ყოფილიყო ქუჩების უკეთ გაწმენდით ხელისუფლებას ფეხით მოსიარულეებზეც, რომ ეზრუნა. მაგრამ ამ კითხვით ადგილობრივი ხელისუფლება აღარ ‘"შეგვიწუხებია’’. სავარაუდოდ, ისინი ასკინკილით სიარულს გვი-რჩევდნენ.