 |
 |
 |
|
|
|
|
მედია ხელისუფლების ზეწოლისაგან უნდა გათავისუფლდეს |
გასულ ორშაბათს, გაზეთ `გურია ნიუსმა~ სათაურით `ბრძოლა `გურია ნიუსის~ წინააღმდეგ ახალ ფაზაში შევიდა!~ მიმართვა გაავრცელა საქართველოს მოსახლეობისადმი, საქართველოში მოქმედ საზოგადოებრივ და საერთაშორისო ორგანიზაციებისადმი, საქართველოს სახალხო დამცველისადმი, საქართველოში აკრედიტირებულ საელჩოებისადმი, ყველა იმათ მიმართ, ვისაც დამოუკიდებელი მედიის არსებობისათვის გული შესტკივა.
`ჟურნალისტების დაშინება, ფიზიკური შეურაცხყოფა, გადაბირება, ოჯახის წევრების დევნა, მიზანმიმართული შანტაჟის პოლიტიკა, რომელიც ბოლო პერიოდში კიდევ უფრო გაძლიერდა და გაუსაძლისი ფსიქოლოგიური წნეხის სახე მიიღო, საკმარისი არ აღმოჩნდა `გურია ნიუსის~ გასაჩუმებლად, ამიტომ, ადგილობრივმა ხელისუფლებამ კიდევ უფრო ღია გახადა ბრძოლა სიტყვის თავისუფლების წინააღმდეგ. მასიური სახე მიიღო `გურია ნიუსის~ დისტრიბუტორებზე ზემოქმედების ფაქტება...~ რედაქცისა ზემოთ დასახელებულ ორგანიზაციებისაგან სწრაფ რეაგირებას ითხოვს.
`გურია ნიუსის~ ამ განცხადების გამოქვეყნებიდან ორიოდ დღეში ოზურგეთის პოლიციის უფროსმა გია ურიდიამ და მისმა მოადგილემ ლაშია ბაკურაძემ გაზეთ `გურიის მოამბეს~ კორესპონდენტი ირაკლი დოლიძე მას შემდეგ დააკავეს, როცა ჟურნალისტი პოლიციის თანამშრომლების ჯგუფს ფოტოსურათს უღებდა. გურიის გუბერნატორის ვალერი ჩიტაიშვილის ჩარევის შემდეგ ჟურნალისტს ჩამორთმეული აპარატურა დაუბრუნეს.
გაზეთ `ალიონის~ რედაქცია მიიჩნევს, რომ ხელისუფლებამ, ძალოვანმა სტრუქტურებმა უნდა გაითავისოს თანამედროვე დემოკრატიული საზოგადოების მთავარი მონაპოვრის_მედიის თავისუფლების აუცილებლობა.
გურიაში ბოლო პერიოდში მედია საშუალებების დაშინება, დისტრიბუციაზე ხელშეშლა, ჟურნალისტების გადაბირება გახშირდა. გაზეთებს უფრო და უფრო მეტ პრობლემებს უქმნიან, რაც შარშან გაზეთ `ალიონის~ სინამდვილეშიც ჰქონდა ადგილი. ხელისუფლების ცალკეული მაღალჩინოსნების ამ კუთხით გააქტიურება და ოზურგეთის პოლიციის ინციდენტი მიუთითებს, რომ ჟურნალისტებს არჩევნების მოახლოებასთან დაკავშირებით გარკვეულ გაფრთხილებას უკეთებენ და მომავალში უფრო დიდ პრობლემების მოსალოდნელ შექმნაზე მიანიშნებენ.
გაზეთი `ალიონი~ შარშანაც აცხადებდა, რომ ხელმოწერაზე ხელს უშლიდნენ, მაგრამ ამას არანაირი რეაგირება არ მიჰყოლია. გაზეთ `გურია ნიუსის~ განცხადებამ კი კიდევ ერთხელ დაარწმუნა საზოგადოება, გაზეთების წინააღმდეგ ბრძოლის კამპანია გრძელდება.
როგორც ჩვენთვის გახდა ცნობილი, გურიის ხელისუფლების გავლენიანი ჩინოვნიკები კვლავ გეგმავენ მათთვის სასურველი ჟურნალისტებისათვის `ახალი სამუშაო ადგილების~ შექმნას_ პატარ-პატარა ირგანიზაციებში პრესსამსახურებში დასაქმებას. `გათიშე და იბატონეს~ მეთოდს აშკარად იყენებს გურიის ზოგიერთი მაღალჩინოსანი, რომელთათთვის გაზეთების და ჟურნალისტების ლანძღვა_შევიწროება (განსაკუთრებით `ალიონს~ მოიხსენიებენ სხვადასხვა ბრუნვაში) ჩვეულებრივი მოვლენა გახდა.
მედია ექსპერტის ია ანთაძე მიიჩნევს, რომ `რეგიონულ მედიაში დიდი გაჭირვებაა. არ მგონია, რომ რამე იდეოლოგიური, ან მსოფლმხედველობითი მიზეზები ჰქონდეთ, როცა ჟურნალისტები გადადიან პრესცენტრებში, ძირითადად ეს არის ეკონომიკური ფაქტორი, რომლის წინაშე ისინი უძლურნი არიან.~
თუ რამდენად დაცულნი არიან ქართველი ჟურნალისტები, ამას საქართველოდან დევნილი ჟურნალისტის, ვახტანგ კომახიძის მაგალითი მოწმობს.
გაზეთ `ალიონის~ ჟურნალისტები მოითხოვენ, შეწყდეს ჟურნალისტების დევნა, მედია ხელისუფლების ზეწოლისაგან უნდა გათავისუფლდეს!
თავისუფლება სიტყვას!
გაზეთი `ალიონის~ რედაქცია
გაზეთი ალიონი
14.02.2010 |
ინფორმაცია მოწოდებულია:
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო
REGIONS.GE
|
| : |
20 |
| : |
Wonderful epxlantaoin of facts available here. |
|
|
|
 |
 |
|
|
|
|
|
 |
|
|
|
| ორშ | სამ | ოთხ | ხუთ | პარ | შაბ |
კვ
|  | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | | | | |
|
|
|
|
|
|
|
|
 |
|
|
|
