გურია

ოზურგეთელ მასწავლებლებთან შეხვედრის დროს საქართველოს ეროვნული საგამოცდო ცენტრის ხელმძღვანელს, მაია მიმინოშვილს კოლექტიური წერილი გადასცეს, რომელსაც ხელს მოსწავლეთა მშობლები და მასწავლებლები აწერდნენ. წერილში ისინი უკმაყოფილებას გამოთქვამდნენ კლასიდან კლასში გადასაყვანი დანიშნული გამოცდების გამო და აღნიშნავდნენ, რომ მოსწავლეებს ძალიან გაუჭირდებათ მომდევნო კლასში გადასაყვანი გამოცდების ჩაბარება კონკრეტულ საგნებში, რასაც ხელს უწყობს ისიც, რომ ინტეგრირებულ საგნებში ცოდნის ხარისხი საგრძნობლად დაბალია. Dდა ჩამორჩენის სრულყოფილად დაძლევისათვის ერთი წელი ნამდვილად არ იქნებოდა საკმარისი. თუმცა ქ-ნი მაია მათ ვერანაირ დახმარებას ვერ შეჰპირდა, რადგან აღნიშნა, რომ ეს არ იყო გამოცდების ეროვნული ცენტრის გადაწყვეტილება, მეტიც ეს იყო საქართველოს პრეზიდენტის ინიციატივა და ამ ფორმითა და ვადებით გამოცდების ჩატარებაში ის პრეზიდენტს არ ეთანხმებოდა.