 |
 |
 |
|
|
|
|
`ახლადარჩეული საკრებულო უკვე მართულია მხარის გუბერნატორისაგან~ |
_ მართალია, ჩვენ გადავწყვიტეთ ზაფხული დასვენებისათვის გამოგვეყენებინა, მაგრამ ოზურგეთში განვითარებული მოვლენები ამის საშუალებას არ გვაძლევს _ განუცხადა პრესკონფერენციაზე მიწვეულ ჟურნალისტებს `სამართლიანი საქართველოსათვის~ ოზურგეთის ორგანიზაციის ხელმძღვანელმა ლელა ნაცვალაძემ. მან ვრცლად ისაუბრა პრეზიდენტის ბრძანებულებაზე, რომელიც ეხება საჯარო მოხელეთა ატესტაციას. ყურადღება გაამახვილა, რომ იგი გამოიცა 2009 წლის 5 თებერვალს, ხოლო ძალაში შევიდა 2009 წლის 6 თებერვალს. დასვა კითხვა თუ რატომ გაახსენდა წელიწადნახევრის შემდეგ იგი გურიის გუბერნატორს, რაზედაც მანვე გასცა პასუხი. კერძოდ აღნიშნა რომ ეს მას ხელს არ აძლევდა არჩევნებამდე, რადგან საჯარო მოხელეები გამოიყენა და ახლა გადაწყვიტა მათი მოშორება. ქ-ნმა ლელამ ასევე ეჭვის ქვეშ დააყენა ატესტაციის კომისიის წევრების კომპეტენტურობის საკითხიც.
_ ჩემთვის ნამდვილად მისაღებია პრეზიდენტის ბრძანებულებაში ის მუხლი, რომ ყველა სამ წელიწადში ერთხელ უნდა ჩატარდეს ატესტაცია. ეს ხელს შეუწყობს კადრების გადამზადებას, ცოდნის დონის ამაღლებას, ამის განხორციელება კი ბ-ნმა ვალერი ჩიტაიშვილმა გადაწყვიტა არჩევნების შემდეგ. ფაქტია რომ მას მანამდე არ აწყობდა ამ ხალხის გადაკიდება.
ასევე აღსანიშნავია კომისიის წევრების საკითხიც.
_ საკრებულოს სხდომაზე ალეკო მამეშვილს შევთავაზე ჩემი თავი კომისიის წევრად, რაზედაც მას უარი არ უთქვამს. პირიქით მადლობა გადამიხადა და განაცხადა, თუ ამ კომისიაში ჩავერთვებოდი, ძალიან კარგი იქნებოდა, თქვა ქალბატონმა ლელამ, ამ შემთხვევაში ჩემი ერთადერთი სურვილი იყო, ხალხში ყოფილიყო იმის განცდა, რომ ეს ყველაფერი კანონიერად ჩატარდებოდა. რამდენიმე დღის შემდეგ, როდესაც მე მას ამის თაობაზე დავურეკე ჩამომითვალა კომისიის წევრები: ირინა საჯაია, პეტრე სალუქვაძე, ნატო აროშიძე და გია ტაკიძე. უნდა გითხრათ, რომ ეს არ არის ალეკო მამეშვილის, არამედ მხარის გუბერნატორის და რამაზ ნიკოლაიშვილის გადაწყვეტილებაა.. ამ კომისიის თავმჯდომარე არის ალეკო მამეშვილი და მის მიმართ არანაირი პრეტენზია არ მაქვს, ასევე შეიძლება ითქვას ირინა საჯაიაზე და პეტრე სალუქვაძეზე. რასაც ვერ ვიტყვი გია ტაკიძესა და ნატო აროშიძეზე. გია ტაკიძე მუნიციპალიტეტის საკრებულომ აირჩია რაიონის გამგებლად, მართალია მას კანონის მიხედვით 6 თვის განმავლობაში არ უწევს ატესტაციაში მონაწილეობის მიღება, მაგრამ გამოცდაჩაუბარებელმა ადამიანმა როგორ უნდა ჩაიბაროს ეს ატესტაცია. ნატო აროშიძის მიმართ პიროვნულად ცუდად არ ვარ განწყობილი. მე ამ ქალბატონთან წლები მაკავშირებს, მაგრამ იგი არის საჯარო მოხელე, რომელსაც კანონის ფარგლებში თვითონ მოუწევს მისი ჩაბარება.
_ ეს ატესტაცია არის სწორედ იმისკენ მიმართული, რომ გაანთავისუფლონ სამუშაო ადგილები. მაქვს ინფორმაცია, ვინც წინასაარჩევნოდ ნაციონალურ მოძრაობას დაეხმარებოდა დაასაქმებდნენ. ჩემთვის ასევე ცნობილია, რომ ორი ადამიანი ვინც ვალერი ჩიტაიშვილს არ უნდა, რომ გამგეობაში იყოს არის გურამ ბერძენიშვილი და იურისტი თეა ლომჯარია. უნდა ისინი ამ ატესტაციით მოიცილოს.
პირდაპირ ვიტყვი, მე ახლადარჩეულ საკრებულოზე წარმოდგენა დამეკარგა, რადგან იგი უკვე მართულია მხარის გუბერნატორისაგან. გაჩერებას ნამდვილად არ ვაპირებ და არ ვუღალატებ იმ ამომრჩეველს ვინც მხარი დამიჭირა.
თეონა ჩხარტიშვილი
გაზეთი ალიონი
26.07.2010 |
ინფორმაცია მოწოდებულია:
სტატიაში გამოქვეყნებულ მასალაზე პასუხისმგებელია ავტორი გაზეთი.
ინფორმაციის გავრცელებას უზრუნველყოფს სააგენტო
REGIONS.GE
|
|
|
|
 |
 |
|
|
|
|
|
 |
|
|
|
| ორშ | სამ | ოთხ | ხუთ | პარ | შაბ |
კვ
|  | | | | 1 | 2 | 3 | 4 | 5 | | 6 | 7 | 8 | 9 | 10 | 11 | 12 | | 13 | 14 | 15 | 16 | 17 | 18 | 19 | | 20 | 21 | 22 | 23 | 24 | 25 | 26 | | 27 | 28 | 29 | | | | |
|
|
|
|
|
|
|
|
 |
|
|
|
