 |
მდებარეობა: იმერეთი დასავლეთ
საქართველოს ისტორიულ-გეოგრაფიულ მხარეა, ტერიტორიის ფართობი - 6515,8 კვ.კმ.
ადმინისტრაციულ-ტერიტორიულ ერთეულები: ბაღდათი, ვანი, ზესტაფონი, თერჯოლა,
სამტრედია, საჩხერა, ხარაგაული, ხონი, ტყიბული, ჭიათურა, წყალტუბო.
ადმინისტრაციული ცენტრი: ქუთაისი
ადმინისტრაციული მოწყობა: რეგიონის ადმინისტრაციული ერთეულებია: ქალაქის მერია - 4, რაიონის გამგეობა - 8, სადაბო საკრებულო - 2, სოფლის საკრებულო - 161. მხარეში სახელმწიფო მმართველობას ახორციელებს საქართველოს პრეზიდენტის მიერ დანიშნული სახელმწიფო რწმუნებული.
მოსახლეობა: 700 000 კაცი
ეკონომიკა: სოფლის მეურნეობა მხარის ერთ-ერთი მნიშვნელოვანი
დარგია. მემცენარეობის პროდუქციიდან ძირითადია სიმინდი, ყურძენი და ბოსტნეული.
იმერეთში 100-მდე მსხვილი ფერმერული მეურნეობაა, რომლებიც ძირითადად ეწევიან მეცხოველეობას, მევენახეობას, მეღორეობას, მეფრინველეობას,
მეხილეობას, მეფუტკრეობას, მემწვანილეობას. იმერეთი
ენერგორესურსებით მდიდარი რეგიონია, რამაც განაპირობა ხუთი ჰიდროელექტროსადგურის
ფუნქციონირება (რიონჰესი, გუმათჰესი, ძევრულჰესი, შაორჰესი, ვარციხეჰესი).
ღირსშესანიშნაობები:
იმერეთის მხარე მდიდარია მნიშვნელოვანი ისტორიული ძეგლებით, ეს
სიძველეები მთელი იზიდავდა უცხოელ სტუმრებს და მოგზაურებს, რომლებმაც მსოფლიოში
სახელი გაუთქვეს საქართველოს და მის კულტურას. ძეგლთა შორის აღსანიშნავია:
ქუთაისის ციხე-ქალაქი, ბაგრატის ტაძარი, გელათის სამონასტრო ანსამბლი, გეგუთის
ციხე-დარბაზი, მოწამეთის სიძველეები, ანტიკური პერიოდის შორაპნის ციხე-სიმაგრე, ვანის ნაქალაქარი, ნუნისის ღვთისმშობლის ეკლესია, ვახანის ციხე და სხვ.
იმერეთს წამყვანი ადგილი
უჭირავს რეკრეაციულ სისტემაში, უნიკალური ბუნებრივი და ჰიდრომინერალური
რესურსების, მინერალური წყლების სახით. სამკურნალო წყლებიდან გამოიყოფა წყალტუბო, საირმე ბაღდათის რაიონში, ნუნისი ხარაგაულში, სულორი ვანში, აგრეთვე საჩხერის სხვადასხვა მინერალური წყაროები.
დიდი რაოდენობითაა თერმული წყლების მარაგი.
სასარგებლო კონტაქტები:
ნუგზარ შამუგია
ქ.ქუთაისის მერი.
მის. ქ.ქუთაისი რუსთაველის N3
ტელ:4-54-54
mayor@kutaisi.gov.ge
|
|
)
)
)
)
