სპექტრი. გურჯაანის მუნიციპალიტეტის გამგეობაში სააღდგომოდ თანამშრომლებზე პრემიის სახით 177 160 ლარი გაიცა. ამის შესახებ გაზეთი "სპექტრი" ინფორმაციას ერთი თვის წინ ფლობდა. თუმცა, გამგეობამ და საკრებულომ 16 აპრილის ოფიციალური მიმართვის პასუხად, აღნიშნული ინფორმაცია არ დაგვიდასტურა.
სპექტრი. არაშენდის მოსახლეობა სოფლის კუთვნილი საძოვრის დათმობას არ აპირებს და შიშობს, რომ თუ ნაკვეთის გაყიდვის საკითხი დადგება, გორის ინციდენტი აქაც განმეორდება. გურჯაანის მუნიციპალიტეტის ყოფილი გამგებელი გიორგი ჩივიაშვილი პრობლემის მოგვარებას დაჰპირდათ, თუმცა, ამ დრომდე არაფერი შეცვლილა. სავალალო შედეგის თავიდან აცილების მიზნით, ადგილობრივები დახმარებას ახალ მთავრობას სთხოვენ.
სპექტრი. 2013 წლის იანვრიდან დღემდე, გურჯაანის მუნიციპალიტეტის გამგეობის დაქვემდებარებაში არსებულ სამსახურებში 127 ახალი თანამშრომელი მიიღეს. გამგებლი ჯონი ოსიაშვილი განხორციელებულ ცვლილებებს კადრების გადახალისებად აფასებს.
სპექტრი. ამდენიმეწლიანი პაუზის შემდეგ ქალაქ გურჯაანში ე.წ. "დოსააფმა" ფუნქციონირება განაახლა. თავის დროზე იქ, სასწავლო პროცესისთვის საჭირო ინვენტარი და იარაღიც ინახებოდა. თუმცა, ამ ეტაპზე სად არის ეს აღჭურვილობა, კონკრეტული პასუხი ვერც ერთმა უწყებამ ვერ გაგვცა.
სპექტრი. შპს "გლეხური ბაზრის" ტერიტორიაზე არსებული სავაჭრო ობიექტების მეპატრონეები მუნიციპალიტეტის გამგებელ ჯონი ოსიაშვილისგან ბაზრის რეკონსტრუქციაზე ნებართვის გაცემის შეჩერებას კვლავაც ითხოვენ.
სპექტრი. გურჯაანის რაიონულმა სასამართლომ სოფელ ჩუმლაყის, სტიქიის შედეგების შემსწავლელი კომისიის წევრებს გიორგი დვალსა და იორამ ორთოიძეს ორთვიანი წინასწარი პატიმრობა შეუფარდა. მათ ბრალი სისხლის სამართლის კოდექსის 332-ე მუხლის პირველი ნაწილით ედებათ, რაც სამსახურებრივი უფლებამოსილების ბოროტად გამოყენებას გულისხმობს და 3 წლამდე თავისუფლების აღკვეთას ითვალისწინებს.
სპექტრი. სოციალურად დაუცველი ოჯახების გადამოწმების შედეგად, შემწეობა შეუწყდათ ან შეუჩერდათ იმ ბენეფიციარებასაც, რომლებიც რეალურად საჭიროებენ დახმარებას. ჯანდაცვის სამინისტროში კი განმარტავენ, რომ ყველა შემთხვევას თავისი საფუძველი აქვს და უმიზეზოდ არავინ დაზარალდება.
სპექტრი. სამი წლის ირაკლი ბეროშვილის მშობლები, გურჯაანის სამედიცინო ცენტრ "ჯეოჰოსპიტალსის" პედიატრს, ლალი მირიანაშვილს სამსახურეობრივ გულგრილობაში ადანაშაულებენ. მათი თქმით, ბავშვი, რომელსაც სისხლში მნიშვნელოვანი ცვლილებები აღენიშნებოდა და მაღალი ტემპერატურაც ჰქონდა, ექიმმა სტაციონარულ მკურნალობაზე არ გადაიყვანა და ღამის საათებში სახლში გაწერა. თავად ლალი მირიანაშვილი კი განმარტავს, რომ ეს გადაწყვეტილება მშობელთან შეთანხებით მიიღო.
ამ საიტზე განთავსებული ნებისმიერი სიდიდის ინფორმაციის გამოყენება და გავრცელება
ნებადართულია მხოლოდ ამ საიტის და ავტორი გაზეთის, როგორც საინფორმაციო
წყაროდ მითითების შემთხვევაში.
