28 აგვისტოს ტაძარში წირვა მამა რაფაელმა აღავლინა. გურჯაანის მუნიციპალიტეტის გამგეობის კულტურის, განათლებისა და სოციალური განვითარების სამსახურის სპეციალისტის თამაზ მარკოზაშვილის განმარტებით, ოთხი თვის განმავლობაში ტაძრის სარეაბილიტაციო სამუშაოები მიმდინარეობდა. "ძირითადად შეკეთდა შიდა ინტერიერი, გამაგრდა ეკლესიის კამარა (ჭერი) და სხვა კონსტრუქციული ადგილები. ტაძარში უკვე აღევლინება ლოცვები, ქვების ჩამონგრევის საშიშროება აღარ არსებობს. მნიშვნელოვანია ისიც, რომ ტაძრის სარეაბილიტაციო სამუშაოები საქართველოს კულტურული მემკვიდრეობის დაცვის ეროვნული სააგენტოს დაფინანსებით განხორციელდა. ძეგლი აღდგენილი იქნა თავისი თავდაპირველი სახით," _ აღნიშნავს თამაზ მარკოზაშვილი.

მისივე თქმით, ტაძრის რეაბილიტაციისთვის თავდაპირველად 40 ათასი ლარი იყო გამოყოფილი, თუმცა სერიოზული დაზიანებების გამო გარკვეული თანხის დამატება გახდა საჭირო.

გურჯაანის ყოვლადწმინდა ღვთისმშობლის მიძინების ტაძარი მე-8 საუკუნის ძეგლია და მართლმადიდებელ სამყაროში ერთადერთი ორგუმბათიანი ეკლესიაა.