ორგანიზაციის კურთხევის შემდეგ, სიღნაღის მუნიციპალიტეტის გამგებელმა, ნოდარ კოჭლამაზაშვილმა ლენტი გაჭრა. სიტყვით გამოვიდნენ როგორც გამგეობის წარმომადგენლები, ასევე პანსიონის დამფუძნებლები. მოხუცებმა სტუმრებისთვის რამდენიმე სიმღერა შეასრულეს.

პრეზენტაციის ბოლოს, ადგილობრივი ხელმძღვანელობისა და მაჟორიტარი დეპუტატისგან "თაობათა კერას" საზეიმო ვითარებაში მაცივარი გადაეცა.

"ასეთი პანსიონი სიღნაღის მუნიციპალიტეტისთვის პირველია. ამ ასაკის ადამიანებზე ზრუნვა ჩვენი უპირველესი მოვალეობაა." _ განაცხადა ნოდარ კოჭლამაზაშვილმა.

"სპექტრი" თავშესაფრის ერთ-ერთ დამფუძნებელს, ქეთევან ლეკვეიშვილს გაესაუბრა.

"ღონისძიებით ძალიან კმაყოფილი დავრჩი. დიდი მადლობა მინდა გადავუხადო იმ ხალხს, ვინც გვერდში მედგა და მეხმარებოდა," – აღნიშნა ქეთევან ლეკვეიშვილმა.

ორგანიზაცია არასამეწარმეო, არაკომერციული იურიდიული პირის სახით 2010 წლის ზაფხულში ჩამოყალიბდა. "თაობათა კერა" მოხუცებულთა მზრუნველობისკენ, მათი უფლებების დაცვის და მათდამი სხვადასხვა ქმედითი, მატერიალური თუ არამატერიალური დახმარებისკენ არის მიმართული.

პანსიონში დღეისათვის 80 წელს გადაცილებული 9 მოხუცი ცხოვრობს.