პრიზიორებს 20-20 ბოთლი ლუდი "FS" და "პეფსი" გადასცეს კომპანიებმა "პეფსიმ"~ და "ნატახტარმა".

თელავის მუნიციპალიტეტის კულტურის, განათლების, სპორტის, ძეგლთა დაცვის, ტურიზმისა და ახალგაზრდობის საქმეთა სამსახურის უფროსის, მიხეილ დაღუნდარიძის თქმით, ეს ღონისძიება წინა წლებში ასეთი მასშტაბური არ ყოფილა."ღია პირველობა ქუჩის კალათბურთში თელავში მესამე წელია ტარდება. წელს 16 გუნდი იღებდა მონაწილეობას. გასულ წლებთან შედარებით დღევანდელი თამაში ყველაზე მასშტაბური იყო. Mმე მივესალმები ასეთ ღონისძიებებს. რაც მთავარია, ხალხი ძალიან კმაყოფილი დარჩა," _ განაცხადა "სპექტრთან" საუბარში მიხეილ დაღუნდარიძემ.

ღონისძიების ორგანიზატორი თელავის მუნიციპალიტეტის გამგეობა იყო."ახალგაზრდობამ ამ ტურნირის მიმართ დიდი ინტერესი გამოიჩინა. მონაწილეობის მიღების სურვილს ბევრი გამოთქვამს," _ გვითხრა თელავის მუნიციპალიტეტის გამგებელმა, ვასილ დავითაშვილმა.

ასპარეზობდნენ კახეთის ოთხი მუნიციპალიტეტის: თელავის, ახმეტის, ლაგოდეხისა და სიღნაღის გუნდები.

"სთრითბოლის" 2 სექტემბერს, 14 საათზე თელავში, ვაჟა-ფშაველას სახელობის სახელმწიფო აკდემიური თეატრის მიმდებარე ტერიტორიაზე, ღია ცის ქვეშ გაიმართა. შემდეგი მატჩები სექტემბრის ბოლოსთვის იგეგმება.