3 მარტს განათლებისა და მეცნიერების მინისტრი დიმიტრი შაშკინი რუსთავს ესტუმრა. მინისტრმა სოციალურად დაუცველთა პროგრამაში მყოფი მრავალშვილიანი ოჯახი მოინახულა. ბავშვებს საჩუქრები გადასცა და დიასახლისს, ქალბატონ სვეტლანა გურასაშვილს დედის დღე მიულოცა.

 მუსიკალური ცენტრი, კომპიუტერი, მხატვრული ლიტერატურა და სათამაშოები – ეს ის საჩუქრებია, რომელიც გურასაშვილების 5 შვილიანმა ოჯახმა მინისტრისაგან მიიღო.

 სვეტლანა გურასაშვილი, დიასახლისი:

 -ბატონი მინისტრის მობრძანება იმედი და სიხარულია ჩვენთვის. ყველა დედას ვულოცავ დღევანელ დღეს. იმრავლონ და იბედნიერონ მრავალშვილიანმა ოჯახებმა.

 ელგუჯა გურასაშვილი, მოსწავლე:

 - ძალიან ბედნიერი ვარ, რომ დიმიტრი შაშკინი გვესტუმრა. ჩემთვის ყველაზე დიდი საჩუქარი კომპიუტერია. მას ყველაფერში გამოვიყენებ, პირველ რიგში სწავლაში.

 ნინო გურასაშვილი, სტუდენტი:

 - ძალიან დიდი ბედნიერებაა მინისტრის სტუმრობა. მიჭირს ემოციების გამოხატვა. მარტო იმის თქმა შემიძლია, რომ ძალიან ბედნიერი ვარ.

 დიმიტრი შაშკინი:

 - სამწუხაროდ, ეს ოჯახი სოციალურად დაუცველთა რიცხვს მიეკუთვნება, მაგრამ სახელმწიფო ყველაფერს აკეთებს იმისთვის , რომ მათ გაუადვილდეთ განათლების მიღება. სამინისტრო გეგმავს ეროვნული სასწავლო გეგმის დახვეწას. გამკაცრდება სახელმძღვანელოების გრიფირების წესი და შეიქმნება მეორადი სახელმძღვანელოების ბაზარი. გარდა ამისა მომავალი წლიდან, საქართველოში პირველად, სოციალურად დაუცველთა პროგრამაში მყოფი ოჯახების მოსწავლეები მიიღებენ უფასო სახელმძღვანელოებს 1- 12 კლასის ჩათვლით რაც მცირე შეღავათი იქნება მათთვის.