|
რუსთავს კიდევ ერთი, წმინდა ბარბარეს სახელობის სამლოცველო შეემატა, რომელიც კლდიაშვილის ქუჩაზე გაიხსნა. სამლოცველო აკურთხა და საზეიმო წირვა აღავლინა რუსთავის, მარნეულისა და ცურტავის ეპისკოპოსმა იოანემ.
სამლოცველოს გახსნა მოხდა ამ ქუჩის მცხოვრებთა დიდი სურვილითა და მამა პეტრეს (მამუკა რაზმაძე) ინიციატივით, რომელიც წმინდა ბარბარეს სახელობის სამლოცველოს წინამძღვარია. მოსახლეობის ოფიციალური განცხადების შემდეგ ქალაქის მერიამ სამლოცველოსთვის ადგილი ქუჩის მიმდებარე ტერიტორიაზე არსებული ბაღის შენობაში გამოყო. რამდენიმეთვიანი მშენებლობისა და მრევლის შემოწირულობის წყალობით სამლოცველო ოფიციალურად გაიხსნა და ეკურთხა 21 თებერვალს.
მამა პეტრეს ინიციატივით, სანაპიროს ქუჩაზე, უახლოეს მომავალში იგეგმება წმინდა ბარბარეს სახელობის ეკლესიის აშენებაც, რომლისთვის ტერიტორია უკვე გამოყოფილია. ახლა კი ყველაფერი რუსთავის მოსახლეობის კეთილ ნებასა და მოწყალებაზეა დამოკიდებული.
მარი გვარამაძე
31.03.2010 |
