,,ბორჯომი~. 6 აგვისტოს სარაიონო ბიბლიოთეკის წინ, დილიდან=ვე მიმდინარეობდა წიგნების რეალიზაციის აქცია, რომელიც სადისტრიბუციო წიგნების კომპანია ,,ბესტსელერმა~ განახორციელა. გამოფენა-აქციაზე გასაყიდად გამოტანილი იყო ახლადგამოცემული წიგნები, ენციკოპედიები, ლექსიკონები, საბავშვო, რელიგიური და სხვა სახის ლიტერატურა.
როგორც წიგნების სადისტრიბუციო კომპანია ,,ბესტსელერის~ დირექტორმა დავით გოცირიძემ გვითხრა, აქცია საქართველოს მასშტაბით ხორციელდება. ჩვენი კომპანია ბორჯომის მოსახლეობას და დამსვენებლებს სთავაზობს წიგნების ფართო ასორტიმენტს, უნიკალური წიგნების გამოცემებს. აქცია ერთობლივად ტარდება რაიონის ბიბლიოთEეკასთან ერთად, რომელიც ამ აქციის ორგანიზატორია.
სამომავლოდ ბიბლიოთეკაში დაფუძნდება წიგნის კლუბი, რომელიც მომარაგდება ახალი წიგნებით და ბორჯომის მოსახლეობას სთავაზობს ყველა გამოცემულ ახალ წიგნს _ მკითხველი მოიძიებს ინტერნეტში ამ ახალ წიგნს.
როგორც სარაიონო ბიბლიოთეკის დირექტორმა ნაირა ალხაზიშვილმა გვითხრა, ,,ბესტსელერთან~ გაფორმებულია ხელშეკრულება. კომპანია გვიგზავნის კატალოგებს, ჩვენ ვარჩევთ, თუ რომელი წიგნი ესაჭიროება ჩვენს ბიბლიოთეკას და ვუკვეთავთ. აღსანიშნავია, რომ ბესტსელერი წიგნებს ათპროცენტიანი ფასდაკლებით გვაძლევს და საერთოდ მათი მომსახურებით კმაყოფილნი ვართ და დიდ მადლობას მოვახსენებთ კარგი დამოკიდებულებისთვის. შეკვეთილი წიგნები მათ ადგილზე მოაქვთ. ახლახან 5000-ზე მეტი წიგნი შევიძინეთ. ბიუჯეტი ითვალისწინებდა 8 ათასი ლარის ღირებულების წიგნის შეძენას.
ბიბლიოთეკაში ახალმა წიგნმა და მკითხველმა საკმაოდ იმატა.
,,ბესტსელერის~ აქციამ ბორჯოMში სამ დღეს გასტანა _ წიგნების გაყიდვამ წაღვერსა და ბაკურიანში გადაინაცვლა.