შენახვა


გადაგზავნა

დაკომენტარება

შსს – პანკისში ადგილობრივების ქმედებები კანონის ფარგლებიდან იყო გასული

ახალი ამბები
წყარო:  კახეთის ხმა / https://knews.ge/ 
ორიგინალი სტატია:  http://knews.ge/?p=38406 
 24 აპრილი 2019

პანკისში პოლიციამ იმოქმედა ღირსეულად და კანონის მოთხოვნათა სრული დაცვით. მოქალაქეების ქმედებები, რა თქმა უნდა, კანონის ფარგლებიდან იყო გასული, – განაცხადა შინაგან საქმეთა მინისტრის მოადგილე ნათია მეზვრიშვილმა პანკისში განვითარებულ მოვლენების კომენტირებისას. 

მისი თქმით, ამ დროისთვის მიმდინარეობს საგამოძიებო მოქმედებები და კანონის დამრღვევი მოქალაქეების დაკავების შესახებ გადაწყვეტილება გამოძიების დასრულების შემდეგ გახდება ცნობილი.

“პოლიციამ იმოქმედა ღირსეულად და კანონის მოთხოვნათა სრული დაცვით, რის გამოც ეს ადამიანები ნამდვილად იმსახურებენ პატივისცემას. რაც შეეხება ფორმალურ და სამართლებრივ პროცედურებს, ეს პროცესი მიმდინარეობს. გარკვეული საგამოძიებო მოქმედებები ტარდება, კანონის შესაბამისად თანმიმდევრულად მივყვებით ამ პროცესს.

აბსოლუტურად ყველა ქმედება, რაც იქ პოლიციამ განახორციელა, იყო კანონის ჩარჩოებში. მოქალაქეების ქმედებები, იურიდიული შეფასებით, რა თქმა უნდა, იყო კანონის ფარგლებიდან გასული. ამაზე კითხვები არც უნდა არსებობდეს”, – აღნიშნა ნათია მეზვრიშვილმა.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
ახალი ამბები
ახალი ამბები