შენახვა


გადაგზავნა

დაკომენტარება

მართვის მოწმობის გამოცდების საფასური იზრდება

საზოგადოება
წყარო:  სპექტრი / http://www.speqtri.ge/ 
ორიგინალი სტატია:  http://www.speqtri.ge/sazogadoeba/article/30833 
 07 ივნისი 2019
შინაგან საქმეთა სამინისტროს მიერ პარლამენტში წარდგენილი კანონპროექტით მართვის უფლების მისაღები პრაქტიკული გამოცდა ორეტაპიანად გარდაიქმნება.
პირველი ეტაპი - დახურულ საგამოცდო მოედანზე სპეციალური მანევრებია, მეორე კი გამოცდის რეალური საგზაო მოძრაობის პირობებში ჩატარება ), რაც მართვის უფლების მისაღები გამოცდის საფასურის გაზრდას იწვევს.

კანონპროექტის თანახმად, სატრანსპორტო საშუალების მართვის უფლების მისაღებ თეორიულ გამოცდაზე დაშვება ხდება 20 ლარი ნაცვლად 40 ლარისა, ამასთან, პრაქტიკული გამოცდა ხდება ორეტაპიანი, თითოეული ეტაპის საფასური დგინდება დამოუკიდებლად. „B“ კატეგორიის სატრანსპორტო საშუალების მართვის უფლების მისაღები პრაქტიკული გამოცდის პირველ ეტაპზე ერთჯერადად დაშვების საფასურია 40 ლარი, მეორე ეტაპზე ერთჯერადად დაშვების - 90 ლარი. „A“, „C“, „D“ „BE“, „CE“, „DE“ კატეგორიის და „A1“, „A2“, „B1“, „C1“, „D1“, „C1E“ და „D1E“ ქვეკატეგორიის სატრანსპორტო საშუალების მართვის უფლების მისაღები პრაქტიკული გამოცდის პირველ ეტაპზე ერთჯერადად დაშვების საფასურია 40 ლარი, მეორე ეტაპზე ერთჯერადად დაშვების საფასური - 150 ლარი.

შესაბამისად, „B“ კატეგორიის სატრანსპორტო საშუალების მართვის უფლების მისაღებად პირს მოუწევს შემდეგი საფასურის გადახდა თეორიული გამოცდა 20 ლარის, პრაქტიკული გამოცდის პირველი ეტაპი - 40 ლარი და პრაქტიკული გამოცდის მეორე ეტაპის -90 ლარის გადახდა.



სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია