შენახვა


გადაგზავნა

დაკომენტარება

თელავის საგამოცდო ცენტრში დღეს აბიტურიენტების დაახლოებით 7% არ გამოცხადდა

განათლება
წყარო:  სპექტრი / http://www.speqtri.ge/ 
ორიგინალი სტატია:  http://www.speqtri.ge/sazogadoeba/ganathleba/article/31029 
 08 ივლისი 2019
აბიტურიენტებმა დღეს უცხო ენის გამოცდა ჩააბარებს. კახეთის ერთადერთ საგამოცდო ცენტრში, რომელიც ქალაქ თელავის #8 სკოლაშია გახსნილი, დარეგისტრირებული 800-მდე აბიტურიენტიდან დაახლოებით 7% არ გამოცხადდა.
აბიტურიენტები ამბობენ, რომ საგამოცდო ცენტრში კომფორტული გარემოა შექმნილი.

-„გარემო კარგი იყო, კონდიციონერები მშვენივრად მუშაობს. ტესტირება რთული არ აღმოჩნდა, თუმცა ესე არ მომეწონა. ბევრი რამის თქმის შესაძლებლობა არ გვქონდა. ვფიქრობ, თუ მოსწავლე კარგად სწავლობს სკოლაში, მას რეპეტიტორთან სიარულის გარეშეც შეუძლია უცხო ენის გამოცდის ჩაბარება. წარმატებებს ვუსურვებ ყველა აბიტურიენტს,“ - ამბობს მარიამ ელიზბარაშვილი.

მირიან მამუკელაშვილი მომავალი იურისტია. მისი შეფასებით, ყველაზე რთული უცხო ენის გამოცდაზე ესეს დაწერა აღმოჩნდა.
-„ძნელი ნამდვილად არ ყოფილა, მთავარია ცოდნა ჰქონდეს აბიტურიენტს. ესეს დაწერა ცოტა გამიჭირდა, თუმცა მაინც დავძლიე. ჩემი აზრით, მასწავლებელთან სიარულის გარეშეც შეიძლებოდა ამ ყველაფრის ჩაბარება.“

ცნობისთვის, ერთიან ეროვნულ გამოცდებზე წელს 41 000-მდე აბიტურიენტი დარეგისტრირდა, რომლებიც საქართველოს 11 ქალაქში 23 საგამოცდო ცენტრში გადანაწილდნენ.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
საზოგადოება