შენახვა


გადაგზავნა

დაკომენტარება

პანკისში დაცვის პოლიციისთვის დროებით თავშესაფარი მოეწყო

ახალი ამბები
წყარო:  კახეთის ხმა / https://knews.ge/ 
ორიგინალი სტატია:  http://knews.ge/?p=38409 
 24 აპრილი 2019

პანკისის ხეობაში, სოფელ ძიბახევთან, სადაც სამი დღის წინ ადგილობრივები და სამართალდამცავები ერთმანეთს დაუპირისპირდნენ, დაცვის პოლიციის წარმომადგენლებისთვის დროებით თავშესაფარი მოეწყო.

როგორც “კახეთის ხმას” შინაგან საქმეთა სამინისტროში განუცხადეს, ჯიხურები, რომლებიც დღეს დილით განთავსდა, მხოლოდ დაცვის პოლიციის თანამშრომლებისთვის იქნება განკუთვნილი, რათა უამინდობის დროს წვიმას თავი შეაფარონ.

21 აპრილს, პანკისის ხეობაში ადგილობრივები და სამართალდამცველები ერთმანეთს რიგით მესამე ჰესის სამშენებლო სამუშაოების განახლების გამო დაუპირისპირდნენ. შეტაკების შედეგად დაშავდა დაშავდა 55 ადამიანი, მათ შორის – 38 პოლიციელი და 17 მოქალაქე. აქციის მონაწილეებმა დაამტვრიეს და დაწვეს შსს-ს მანქანები და სპეციალური ტექნიკა.

შინაგან საქმეთა სამინისტრომ გამოძიება საქართველოს სისხლის სამართლის კოდექსის 353-ე პრიმა და 187-ე მუხლებით დაიწყო, რაც პოლიციელზე თავდასხმას და ცეცხლის წაკიდებით ნივთის დაზიანებას გულისხმობს. გამოძიების ფარგლებში უკვე გამოიკითხნენ სამართალდამცავები და ადგილობრივები.

ნიკოლოზ ესიტაშვილი

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
ახალი ამბები