შენახვა


გადაგზავნა

დაკომენტარება

აბასთუმნის ობსერვატორია განათლების სამინისტროს კონტროლის ქვეშ გადადის

საზოგადოება
წყარო:  ტელეკომპანია ბორჯომი / http://borjomi.tv/ 
ორიგინალი სტატია:  http://borjomi.tv/axali-ambebi/sazogadoeba/article/8175 
 03 ოქტომბერი 2019
ამის შესახებ მთავრობის 30 სექტემბრის დადგენილებაშია აღნიშნული. კერძოდ, როგორც დოკუმენტში ვკითხულობთ, ილიას სახელმწიფო უნივერსიტეტს გამოეყოფა მის სტრუქტურაში შემავალი, დამოუკიდებელი სამეცნიერო-კვლევითი ერთეული – ევგენი ხარაძის ეროვნული ასტროფიზიკური ობსერვატორია. ამავე დადგენილების მიხედვით, დაფუძნდება საჯარო სამართლის იურიდიული პირი (სსიპ) – ევგენი ხარაძის ეროვნული ასტროფიზიკური ობსერვატორია.

მთავრობის გადაწყვეტილებით, ობსერვატორიის სახელმწიფო კონტროლს განათლების, მეცნიერების, კულტურისა და სპორტის სამინისტრო განახორციელებს. ამასთან, სამინისტრომ უნდა უზრუნველყოს ობსერვატორიის უფლებამოსილი პირის დანიშვნა, ასევე ობსერვატორიის წესდების დამტკიცება და კანონმდებლობით განსაზღვრული სხვა ღონისძიებების განხორციელება.

როგორც დადგენილებაშია აღნიშნული, განათლების, მეცნიერების, კულტურისა და სპორტის სამინისტრომ და ილიას სახელმწიფო უნივერსიტეტმა რეორგანიზაციასთან დაკავშირებული ღონისძიებების განხორციელება ამ დადგენილების ამოქმედებიდან 2 თვის ვადაში უნდა უზრუნველყონ.
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
საზოგადოება
საზოგადოება