შენახვა


გადაგზავნა

დაკომენტარება

თუშეთის გზა მაისის ბოლომდე გაიხსნება

საზოგადოება
წყარო:  სპექტრი / http://www.speqtri.ge/ 
ორიგინალი სტატია:  http://www.speqtri.ge/sazogadoeba/article/30647 
 02 მაისი 2019
ფშაველი-აბანო-ომალოს საავტომობილო გზის 25-ე კმ-ზე ჩამოსული დიდი ზომის ლოდების დაშლის სამუშაოები დასრულდა. საავტომობილო გზების დეპარტამენტის ინფორმაციით, ამ დროისთვის ნაშალი მასის გაწმენდითი სამუშაოები მიმდინარეობს და დღის ბოლომდე დასრულდება.
-"ფშაველი-აბანო-ომალოს საავტომობილო გზაზე, გაწმენდითი სამუშაოები წელს, რთული მეტეოროლოგიური პირობების, კერძოდ აპრილის თვეში უხვი ნალექის გამო 15 აპრილს დაიწყო. ამასთანავე, გზის 22-ე და 25-ე კილომეტრებზე ჩამოსული იყო დიდი ზომის ლოდები, ასევე აღნიშნული გზის 56-ე კმ-ის ზემოთ ჯერ ისევ თოვლია. ზემოთ ჩამოთვლილი გარემოებები წინა წლებში არ დაფიქსირებულა, რამაც სამუშაოები დროებით შეაფერხა.

ამ ეტაპზე, გაწმენდითი სამუშაოები ინეტსნიურად მიმდინარეობს და თუშეთისკენ მიმავალ გზაზე ავტოტრანსპორტის გადაადგილება მაისის ბოლომდე აღდგება.

აღნიშნულ მონაკვეთზე, კონტრაქტორი ორგანიზაცია სამუშაოებს, ამ დროსითვის მოქმედი ხელშეკრულების ფარგლებში აწარმოებს. ხოლო ტენდერის შედეგად გამოვლენილი კონტრაქტორი მოწვეულია ხელშეკრულების ხელმოსაწერად და 7 მაისს ხელშეკრულება გაფორმდება, რის შემდეგაც ახალი კომპანია გააგრძელებს გაწმედნით სამუშაოებს,"- აცხადებენ საავტომობილო გზების დეპარტამენტში.

ცნობისთვის, ფშაველი-აბანო-ომალოს საავტომობილო გზა ევროპაში ერთ-ერთ ყველაზე რთულ სატრანსპორტო გზად ითვლება. აღნიშნულ მონაკვეთზე საავტომობილო მიმოსვლა ზამთრში აკრძალულია. სხვა პერიოდში კი გადაადგილება დასაშვებია მხოლოდ მაღალი გამავლობის ავტოტრანსპორტისათვის. 


სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია