შენახვა


გადაგზავნა

დაკომენტარება

ტყიბულში სამგზავრო მიკროავტობუსი და საწყობი გაქურდეს

საზოგადოება
წყარო:  ოკრიბა ნიუსი / http://okribanews.ge 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 06 მაისი 2019

ტყიბულში ა(ა)იპ „ტყიბულის მუნიციპალიტეტის კომუნალური გაერთიანების“ ავტოსადგომზე ღამით სამგზავრო მიკროავტობუსი და საწყობი გაქურდეს.

როგორც ადგილობრივები ამბობენ, გაძარცულია ახლად შეძენილი მიკროავტობუსი, რომელიც ქალაქის ერთ-ერთ უბანს ემსახურებოდა.
ასევე, საწყობიდან წაღებულია ავტონაწილები და ტექნიკური ხელსაწყოები. გაძარცული მიკროავტობუსი და საწყობი დილით სამსახურში მისულმა კომუნალური გაერთიანების თანამშრომლებმა აღმოაჩინეს.

ქურდობის ფაქტი „ოკრიბანიუს“ ტყიბულის მუნიციპალიტეტის მერიაში დაუდასტურეს-„ქურდობა ნამდვილად მოხდა, ფაქტთან დაკავშირებით მუნიციპალიტეტმა მიმართა შესაბამის ორგანოებს და მიმდინარეობს გამოძიება“, -აცხადებენ მერიაში.

აღნიშნულ საქმეზე „ოკრიბანიუს“ შსს -ში განუცხადეს, რომ გამოძიება ქურდობის ფაქტზე დაწყებულია სისხლის სამართლის კოდექსის 177- ე მუხლით.

დასაკომენტარებლად გთხოვთ გაიაროთ ავტორიზაცია/რეგისტრაცია