შენახვა


გადაგზავნა

დაკომენტარება

მარგველაშვილი ივანიშვილზე: მადლიერება რაში უნდა გამოვხატო?

პოლიტიკა
წყარო:  გურიის მოამბე / http://guriismoambe.com/ 
 09 დეკემბერი 2018

გიორგი მარგველაშვილი პრეზიდენტის სასახლეში უკანასკნელ დღეებს ატარებს. საქართველოს მეოთხე პრეზიდენტმა ბოლო შეხვედრა სალომე ზურაბიშვილთან სწორედ ავლაბრის რეზიდენციაში გამართა. უკვე ცნობილია, რომ ამ სასახლეში ახლადარჩეული პრეზიდენტი არ შევა.

გიორგი მარგველაშვილს მიაჩნია, რომ პრეზიდენტის სასახლე იდეალურად არის დაპროექტებული მნიშვნელოვანი ვიზიტის ყველა დეტალის გათვალისწინებით.

ეს სასახლე იყო ერთ-ერთი მიზეზი, რის გამოც ფიქრობდნენ რომ ბიძინა ივანიშვილს და გიორგი მარგველაშვილს ურთიერთობა დაეძაბათ, რადგან საქართველოს მეოთხე პრეზიდენტმა უარი არ თქვა სასახლეში შესვლაზე.

ჯერ კიდევ მოქმედი პრეზიდენტი გიორგი მარგველაშვილი რუსთავი 2-ის გადაცემა P.S-ის კითხვაზე, მადლიერია თუ არა ბიძინა ივანიშვილის პასუხობს: 

“არა, მადლიერი რას ნიშნავს? მადლიერება რაში უნდა გამოვხატო, ჩემი ინტერესი იყო ეს ყველაფერი? ეს იყო ჩვენი საერთო მიზნის ნაწილი

კითხვაზე, სწყინს თუ არა, რომ მეურნეობით მის გატაცებას დასცინიან-მარგველაშვილი ამბობს: 

არა, საწყენი ის არის, რომ ჰგონიათ, მარტო კარტოფილი მომყავს, ეგ არის საწყენი, თორემ მასხრად აგდება არ არის საწყენი. არამარტო კარტოფილი მომყავს 

პრეზიდენტმა მარგველაშვილმა საპრეზიდენტო ვადაში 11 ვეტო გამოაცხადა. საპასუხოდ პარლამენტისგან მიიღო მხოლოდ 2 კი და გაცილებით მეტი არა. მან ხელი მოაწერა ახალ კონსტიტუციას, მიუხედავად იმისა, რომ არ ეთანხმებოდა. თავის ყველაზე საკამათო გადაწყვეტილებას კრედიტად მიითვლის. ამბობს, რომ ვერ დაუშვებდა, ეს ყოფილიყო პირველი კონსტიტუცია მსოფლიოში პრეზიდენტის ხელმოწერის გარეშე. ამიტომ დათრგუნა საკუთარი თავი დაარეგისტრირა დოკუმენტი, რომელსაც არ ეთანხმებოდა.

ბოლო არჩევნების წინ, გიორგი მარგველაშვილმა მხარი ღიად არავის დაუჭირა, რომ ამომრჩეველზე გავლენა არ მოეხდინა. ის არც ახლა ამხელს რომელი კანდიდატი შემოხაზა მან საპრეზიდენტო არჩევნებზე.

საქართველოს მეოთხე პრეზიდენტი 18 დეკემბრიდან მუშაობას საზოგადოებრივ საქმეთა ინსტიტუტში გააგრძელებს. იქ მას სალექციო კურსი ექნება. 

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია
პოლიტიკა