შენახვა


გადაგზავნა

დაკომენტარება

თემურ მანველიშვილი პასუხის გასაცემად დროს ითხოვს

ახალი ამბები
წყარო:  შიდა ქართლი / http://qartli.ge/ 
 23 იანვარი 2019
სამსახურიდან წასვლის შესახებ, განცხადებით მიმართვის ფაქტს თემურ მანველიშვილი არც ადასტურებს და არც უარყოფს. ამის შესახებ გორის მერის ადმინისტრაციისა და შესყიდვების სამსახურის უფროსი დაპირებისამებრ qartli.ge-ს ესაუბრა. კითხვაზე, დაწერა თუ არა სამსახურიდან წასვლის შესახებ, განცხადება, მანველიშვილი პასუხის გასაცემად დროს ითხოვს. ,,ამ ეტაპზე გადაჭრით ჩემი გადაწყვეტილების შესახებ ვერ გეტყვით. მოგვიანებით ვისაუბრებ" - აცხადებს მანველიშვილი. გორის მერიაში თემურ მანველიშვილის თანამდებობაზე დარჩენის საკითხს იხილავენ. ჩვენი ინფორმაციით, მანველიშვილმა მერს განცხადებით მიმართა. მერიის პრეს-სამსახურის ცნობით, რეზოლუციის დადებამდე და ბრძანების გამოცემამდე, მერი კონსტანტინე თავზარაშვილი კომენტარს ვერ გააკეთებს. ,,ვიდრე შესაბამისი ბრძანება არ დაიწერება, პასუხს ვერ გაგცემთ." - აცხადებს პრეს-სამსახური. მის მიმართ გორის პროკურატურაში გამოძიება მიმდინარეობს სამოქალაქო აქტივისტის გიგა მაქარაშვილის მიმართ განხორციელებულ ძალადობის ფაქტზე.
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია