შენახვა


გადაგზავნა

დაკომენტარება

ვარდისუბნის საქონლის ბაზარში დაპირისპირებისას დაკავებულს 2000 ლარიანი გირაო შეეფარდა

სამართალი
წყარო:  სპექტრი / http://www.speqtri.ge/ 
 09 ოქტომბერი 2018
თელავის რაიონულმა სასამართლომ სოფელ ვარდისუბნის საქონლის ბაზარში მომხდარი კონფლიქტის შედეგად დაკავებულ დ.ლ-ს აღმკვეთი ღონისძიების სახით 2000 ლარიანი გირაო შეუფარდა.
მოსამართლე ზვიად შარაძემ გაითვალისწინა დაცვის მხარის შუამდგომლობა გირაოს შეფარდების შესახებ. გირაოს გადახდამდე დაკავებული დ.ლ. საპატიმრო დაწესებულებაში დარჩება.

ბრალდების მტკიცებით, დ.ლ.-მ მიმდინარე წლის 23 სექტემბერს, სოფელ ვარდისუბანში მდებარე მსხვილფეხა საქონლის ბაზრობაზე, ურთიერთშელაპარაკებისას, სოფელ ყარაჯალაში მცხოვრებ 1986 წელს დაბადებულ რ.ს.-ს ცეცხლსასროლი იარაღიდან გასროლით სხეულზე დაზიანება მიაყენა და შემთხვევის ადგილიდან მიიმალა. 



სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია