შენახვა


გადაგზავნა

დაკომენტარება

2019 წლის პირველი აპრილიდან პოლიეთილენის პარკების წარმოება აიკრძალება

პოლიტიკა
წყარო:  გურიის მოამბე / http://guriismoambe.com/ 
ორიგინალი სტატია:  http://guriismoambe.com/?m=68&news_id=36581 
 27 თებერვალი 2019

2019 წლის პირველი აპრილიდან ნებისმიერი სისქის პოლიეთილენის პარკების წარმოება, იმპორტი და რეალიზაცია აიკრძალება. როგორც საქართველოს გარემოსა და ბუნებრივი რესურსების დაცვის სამინისტროს ნარჩენებისა და ქიმიური ნივთიერებების მართვის სამსახურის უფროსმა ალვერდ ჩანქსელიანმა განაცხადა, ბიზნესის მხრიდან გადავადებაზე მოთხოვნა არსებობს, თუმცა აკრძალვის თარიღი არ გადავადდება. 

„კონსულტაციები ამ ეტაპზეც მიმდინარეობს. ბიზნესის ნაწილი ამბობს, რომ გადაწყობა ვერ მოასწრეს და ითხოვენ დამატებით დროს. ეს დრო ზოგიერთისთვის 2 წლით განისაზღვრება და 2 წელი რომ არ მივიღოთ კანონი, გამოდის რომ გაურკვეველი ვადით უარს ვამბობთ მის მიღებაზე და ასე არ გამოვა. ჩემი ინფორმაციით, ეს თარიღი აღარ გადაიწევს და 1-ლი აპრილიდან სრულად ამოქმედდება. 

არანაირი ტიპის შეფერხებას შემოტანასთან დაკავშირებითადგილი არ ექნება. საერთაშორისო კომპანიები უზრუნველყოფენ ქვეყანაში შესაბამისი ბიოდეგრადირებადი პარკების შემოტანას. ასევე იმედს ვიქონიებთ, რომ მალე ადგილობრივი მწარმოებლები შეძლებენ ბაზრისთვის ამ ხარისხის პარკების მიწოდებას“, - განაცხადა "ბიემთან" ჩანქსელიანმა.

სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
დასაკომენტარებლად გთხოვთ გაიაროთ ავტორიზაცია/რეგისტრაცია