ქარელის სოფელ ბრეთის მეურნეობაში დევნილთა ოჯახი ,,განსახლების პროგრამაში არ ჩართეს

ქარელის მუნიციპალიტეტის სოფელ ბრეთის მეურნეობაში მცხოვრებ დევნილთა ოჯახს ახალი ბინით არ აკმაყოფილებენ. ამის შესახებ ოჯახის წევრებს დევნილთა სააგენტოდან აცნობეს. როგორც ირკვევა, ისინი პაპის დატოვებულ ბინაში ცხოვრობენ, რომელიც ჯერ კიდევ 2012 წელს 1 ლარად დაიკანონეს. 2021 წელს ოჯახმა, დევნილის სტატუსიდან გამომდინარე, ბინით დაკმაყოფილება მოითხოვა. დევნილთა განსახლების სააგენტომ მათ უპასუხა, რომ 1 ლარად ნაჩუქარი ქონების გამო, ,,გრძელვადიან განსახლების პროგრამაში" აღარ მოხვდებიან.