კახეთი

შენახვა


გადაგზავნა

დაკომენტარება

გურჯაანში, საპილოტე რეგიონების ინტეგრირებული განვითარების პროგრამის ფარგლებში ორი პროექტი მიმდინარეობს

კულტურა
წყარო:  სპექტრი / http://www.speqtri.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 13 მაისი 2022
გურჯაანის მუნიციპალიტეტში, ევროკავშირის პროგრამის, საპილოტე რეგიონების ინტეგრირებული განვითარების პროგრამის (სრიგპ) ფარგლებში ორი მასშტაბური პროექტი მიმდინარეობს.
რეაბილიტაცია უტარდება ქალაქ გურჯაანში, ცენტრალური პარკის ტერიტორიაზე მდებარე, ჯონ მალხაზ შალიკაშვილის სახელობის ქართული მხედრული ისტორიის მუზეუმს.

პროექტის ფარგლებში, რომლის ღირებულება 465 012 ლარია, მოხდება შენობის სრული განახლება. სამუშაოებს, გურჯაანის მუნიციპალიტეტის მერიის მიერ გამოცხადებულ ტენდერში გამარჯვებული, შპს „აი სი ემ ჯი” ასრულებს.

სრიგპ პროგრამის ფარგლებში ასევე, მიმდინარეობს სოფელ ჩუმლაყის ინდუსტრიული უბნის ბაკურციხის შემოვლით გზასთან დამაკავშირებელი გზის მშენებლობა. პროექტის ფარგლებში, რომლის ღირებულებაც 1 879 999 ლარია, მოეწყობა 3 კმ - მდე სიგრძის ახალი გზა, რომელიც ხელს შეუწყობს ადილობრივი ბიზნესის განვითარებას, ხილის მწარმოებლებს და ექსპორტიორებს გაუადვილებს გადაადგილებას, შეამცირებს დროს და ტრანსპორტირების ხარჯებს.

პროექტები ევროკავშირის ფინანსური მხარდაჭერით, ადგილობრივი ბიუჯეტის თანამონაწილეობით, ხორციელდება.


დასაკომენტარებლად გთხოვთ გაიაროთ ავტორიზაცია/რეგისტრაცია