ახალციხეში მუქარის ბრალდებით მამაკაცია დაკავებული

ახალციხეში მუქარის ბრალდებით მამაკაცია დაკავებული მთავარი → სიახლე, სამართალი 24.10.2020 სამართალდამცავებმა შუახნის კაცი გუშინ, 23 ოქტომბერს, გვიან ღამით დააკავეს. კოსტავას ქუჩაზე, ე.წ. ხუთსართულიანების დასახლების მცხოვრებლების თქმით, მამაკაცი მეზობელთან შევიდა და დაემუქრა, ამიტომ პოლიცია გამოიძახეს.„მეზობელთან შევიდა მუქარით როგორც ვიცი, ხშირად ხდებოდა მსგავსი რამ, ხან შეურაცხყოფას აყენებდა, ხან ემუქრებოდა. ამ კაცს რამდენჯერმე შემაკავებელი ორდერიც გამოუწერეს“,– ამბობს დაკავებულის მეზობელი. შინაგან საქმეთა სამინისტრომ მომხდარზე გამოძიება სისხლის სამართლის კოდექსის 151–ე მუხლით დაიწყო, რაც მუქარას გულისხმობს.[ნუკა სტეფნაძე]