შენახვა


გადაგზავნა

დაკომენტარება

აბრალამაძის დუბლი და "მერცხალის" პირველი გამარჯვება

სპორტი
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 12 აპრილი 2019

დღეს საქართველოს ფეხბურთელთა პირველობის რეგიონალლიგაში (რანგით მეხუთე ლიგა) 2019 წლის სეზონის მეორე ტურის მატჩები შედგა.

ოზურგეთის "მერცხალმა" აბაშის "ზანა" მიიღო და მეტოქე 2-0 დაამარცხა. ორთავე გოლი მასპინძელთა თავდამსხმელმა აბრალამაძემ გაიტანა, მეორე ტაიმის მე-65 და 75-ე წუთებზე. აქედან ერთი 11 მეტრიანით, რომელიც მსაჯმა სტუმართა გუნდის მცველის მიერ საკუთარ საჯარიმოში ხელით თამაშისათვის დანიშნა.

აღსანიშნავია, რომ მასპინძლებმა მეტოქე მას შემდეგ დაჩაგრეს რაც მოედანზე კაცნაკლულები დარჩნენ.

მასპინძელმა ჭიღლაძემ მე-60 წუთზე გუნდი კი იხსნა აშკარა გოლისაგან მაგრამ ეს ყველაფერი წესების დარღვევით გააკეთა რის გამოც წითელი ბარათი მიიღო.

ორი ტურის შემდეგ ჯონი კალანდაძისა და მერაბ ვანიზის შეგირდებს 3 ქულა აქვთ. პირველი თამაში ოზურგეთმა სტუმრად წალენჯიხაში, ადგილობრივ "სქურთან" 1-4 წააგო.

აბაშელთა "რბევას" ოზურგეთის მერიც ესწრებოდა და თანაქალაქელთა გამარჯვებით "ჯერ დატკბა" და შემდეგ "ფრიად იხალისა".

დასაკომენტარებლად გთხოვთ გაიაროთ ავტორიზაცია/რეგისტრაცია