"განქორწინებული მამაკაცი - თავისუფალია, განქორწინებული ქალი - მარტოხელა"

„სიბრძნის სიმფონია“ წარმოგიდგენთ მალკოლმ დე შაზალის გამონათქვამებს.

მალკოლმ დე შაზალი (1902-1981 ფრანგულად Malcolm de Chazal) - აღმოსავლეთ აფრიკელი პოეტი და მხატვარია. წერდა ფრანგულ ენაზე.
მისი წინაპრები საფრანგეთიდან მავრიკიზე გადასახლდნენ. მალკოლმ დე შაზალმა განათლება აშშ-ში მიიღო, იყო პროფესიით აგრონომი. სამშობლოში 1925 წელს დაბრუნდა. 1937-1957 წლებში მუშაობდა ტელევიზიაში. ამ პერიოდში გამოუშვა რამდენიმე წიგნი პოლიტიკური ეკონომიის შესახებ. მოგვიანებით დაიწყო ლექსების, აფორისტულ-ფილოსოფიური პროზის წერა, ხატვა ნაივის მანერით. შაზალის ნაწარმოებები თარგმნილია ინგლისურ, გერმანულ, ესპანურ, დანიურ, სლოვენიურ ენებზე.

• ქალები საუბრის დროს ჭამენ, მამაკაცები ჭამის დროს საუბრობენ.
• ქალები ბანაობენ, მამაკაცები - ცურავენ. ამიტომ ქალებს საბანაო კოსტიუმები აცვიათ, მამაკაცებს კი - საცურაო.
• განქორწინებული მამაკაცი თავისუფალია. განქორწინებული ქალი - მარტოხელა.
• ფულიანი მამაკაცი პიროვნებაა. ფულიანი ქალი - ადამიანი.
• მამაკაცი ცხოვრებისგან ყველაფერს ძალით იღებს, ქალი - ინტრიგებით.
• მამაკაცის ბედნიერებაა - მინდა. ქალის ბედნიერებაა - მას უნდა.
• ქალებს ოცნებები აქვთ, მამაკაცებს - გეგმები.
• ქალისთვის მთავარია, ითამაშოს, მამაკაცისთვის - მხოლოდ მოიგოს.
• შესაძლებელია, იპოვო დიპლომატი, რომელიც ზოგიერთ ქალზე ბევრად და უკეთესად იტყუება, მაგრამ ვერ იპოვი ვერც ერთ დიპლომატს, რომელიც ქალზე უფრო სწრაფად იტყუება.
• მამაკაცს თვალებით უყვარს, ქალს - ყურებით.
• მამაკაცს არ მოსწონს სიყვარული სექსის გარეშე, ქალს - სექსი სიყვარულის გარეშე.