ყვარელში მდინარე დურუჯი ადიდდა და სავარგულები დატბორა

სტიქიამ ყვარლის მუნიციპალიტეტი კიდევ ერთხელ დააზარალა. მდინარე დურუჯმა ჯებირი გაარღვია და კალაპოტიდან გადმოვიდა.
დატბორილია ვენახები, თხილის ბაღები და სასოფლო სამეურნეო სავარგულები. როგორც speqtri.ge-ს ყვარლის მუნიციპალიტეტის მერმა როსტომ სესიაშვილმა განუცხადა, დასახლებული ტერიტორიის დატბორვის საფრთხე ამ დროისთვის არ არსებობს.

-"დურუჯი კალაპოტიდან გადმოვიდა და ყვარელში დიდი რაოდენობით სავარგულები დატბორა. ეს უკვე მეორე შემთხვევაა. სტიქია იყო4-5 მაისსაც. მოსახლეობას დატბორვის საფრთხე არ ემუქრება. ახლა ვმუშოაბთ რომ წყალი კალაპოტში ჩავაყენოთ და ამის შემდეგ დაიწყება ზარალის დათვლა,"-აღნიშნა სესიაშვილმა.

ცნობისათვის, გადაუღებელი წვიმების შედეგად კახეთის რეგიონში რამდენიმე მდინარე ადიდდა. სტიქიამ მნიშვნელოვანი ზარალი მიაყენა ლაგოდეხის, თელავის, ყვარლისა და ახმეტის მუნიციპალიტეტებს.