სომეხთა სამოციქულო ეკლესიას საქართველოში ახალი წარმომადგენელი ჰყავს

სომხური სამოციქულო ეკლესიის წარმომადგენელი ვაზგენ მირზახანიანი კირაკოს დავტრიანმა ჩაანაცვლა. ეჩმიაძინის განცხადებას jnews.ge ავრცელებს.„სრულიად სომხეთის კათოლიკოს პატრიარქის გარეგინ მეორეს ბრძანებით, ვაზგენ მირზახანიანი, რომელსაც ეკავა სომხური სამოციქულო ეკლესიის ეპისკოპოსის პოსტი საქართველოში, დაკავებული თანამდებობიდან გათავისუფლდა და დაბრუნდა ეჩმიაძინში. ვიკარი კირაკოს დავტიანი კი დაინიშნა წარმომადგენლად საქართველოში“, – ნათქვამია განცხადებაში.ვაზგენ მირზახანიანი 2002 წლიდან იყო საქართველოს სომეხთა ეპარქიის წინამძღვარი. [მარიამ ბარძიმაძე, ახალციხე]