" ყველა ფობიას და ნებისმიერი ფორმით ძალადობას ვემიჯნები, ეს უნდა დამთავრდეს"

საქართველოში ნებისმიერი ადამიანი, განურჩევლად რელიგიისა, პოლიტიკური შეხედულებისა თუ ორიენტაციისა, არის კონსტიტუციით დაცული. ეს ნიშნავს, რომ ნებისმიერი ადამიანი უნდა იყოს დაცული. კატეგორიულად ვემიჯნები ყველა ფობიას, ვემიჯნები ნებისმიერი ფორმით ძალადობას. ეს საქართველოში არ იყო არასდროს. ესეც მანიპულირებული ძალებია, როცა საზოგადოების ერთ ფენას მიუქსევენ მეორე ფენას, აქედან დგება რაღაცა შეურაცხმყოფელი რამ, ეს უნდა დამთავრდეს. სახელმწიფო უწყება, რომელიც ვერ უზრუნველყოფს ჩვენი ქვეყნის მოქალაქეების უსაფრთხოებას, ეს ნიშნავს რომ ორგანოები არ ასრულებენ თავის მოვალეობას და ეს არის დასაგმობი საქმე.

ასე უპასუხა საზოგადოებრივი მოძრაობა ლელოს დამფუძნებელმა, მამუკა ხაზარაძემ გადაცემა #სირცხვილიაში კითხვას, სახელმწიფოს მხრიდან როგორ უნდა მოხდეს თანასწორობისა და შემწყნარებლობის მხარდაჭერა.

on.ge