"ექვთიმეობის" დღესასწაული ტრადიციულად, სოფელ ლიხაურში აღინიშნა

ჩატარდა ქორეოგრაფიული და ფოლკლორული ანსამბლების: ,,გურია,’’ ,,ზენაარი,’’ ,,მომავალი,’’ "ვახტანგური,’’ ,,შემოქმედი,’’ ,,რეხეული,’’ ,,ალილუია,’’ ,,გამას’’ კონცერტი.

წარმოდგენილი იყო პერფორმანსი ,,წერილი ’’ - ლიხაურის საჯარო სკოლის მოსწავლეების მონაწილეობით.

ღონისძიებას მხარისა და ადგილობრივი ხელისუფლების წარმომადგენლები დაესწრნენ.

ექვთიმე თაყაიშვილის სახელობის სახლ-მუზეუმში სტუმრად იმყოფებოდა დელეგაცია ზუგდიდის მუნიციპალიტეტიდან, სადაც მუნიციპალიტეტების საკრებულოებს შორის ხელი მოეწერა ურთიერთანამშრომლობის მემორანდუმს.

ოზურგეთის მუნიციპალტეტის მერმა, კონსტანტინე შარაშენიძემ ექვთიმე ღვთისკაცის ფასდაუდებელ ღვაწლზე ისაუბრა და მისი ხსოვნის უკვვდავყოფისთვის გაწეული შრომისთვის ღონისძიების ყველა მონაწილე სპეციალური სიგელებით და საჩუქრებით დააჯილდოვა.

ღონისძიება ოზურგეთის მუნიციპალიტეტის მერიის, განათლების, კულტურის, სპორტისა და ახალგაზრდულ საქმეთა სამსახურის - კულტურის განყოფილების, ასევე ა.(ა).იპ. „კულტურისა და მოსწავლე ახალგაზრდობის ცენტრის“ ორგანიზებით მოეწყო.