ავარია ახალციხეში

შემთხვევა დილით მოხდა, ერთ–ერთი უბნიდან გამოსული მანქანა ცენტრალურ გზაზე მიმავალ მანქანას შეეჯახა. „მანქანაში ბავშვი და ქალი ისხდნენ. ბავშვს ყური გაეკაწრა და თან პანიკაში ჩავარდა, ამიტომ საავადმყოფოში წაიყვანეს“, – ამბობს თვითმხილველი.შინაგან საქმეთა სამინისტრომ გამოძიება სისხლის სამართლის კოდექსის 276 მუხლის მეორე ნაწილით დაიწყო, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევას იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.[მარიამ ბარძიმაძე, ახალციხე]