შენახვა


გადაგზავნა

დაკომენტარება

მასწავლებლის კომპეტენციის დადასტურება - რა უნდა გაითვალისწინონ აპლიკანტებმა

განათლება
წყარო:  სპექტრი / http://www.speqtri.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 01 ნოემბერი 2019
საგნის გამოცდის, საგნობრივი და პროფესიული კომპეტენციების დადასტურებისთვის პირველი ტესტირება 2 ნოემბერს პროფესიულ უნარებში ჩატარდება.
როგორც შეფასებისა და გამოცდების ეროვნული ცენტრში განმარტავენ, რეგისტრაცია, უმეტესწილად, 10:00 საათზე დაიწყება. გამონაკლისს წარმოადგენს უცხოური ენის, ქართულის, როგორც მეორე ენისა და ინფორმაციული და საკომუნიკაციო ტექნოლოგიების პრაქტიკული ნაწილის გამოცდა, რომელიც 7-8 ნოემბერს ჩატარდება. სწორედ ამიტომ აუცილებელია, მონაწილეები ყურადღებით გაეცნონ საგამოცდო ბარათზე მითითებულ ინფორმაციას და ცენტრებში გამოცხადდნენ შესაბამის დროსა და ადგილას. ცენტრის ინფორმაციით, დაგვიანებული აპლიკანტები ტესტირებაზე არ დაიშვებიან.

მონაწილეებმა ტესტირებაზე თან უნდა იქონიონ საგამოცდო ბარათი, პირადობის დამადასტურებელი დოკუმენტი. სურვილის შემთხვევაში - წყალი პლასტმასის ბოთლითა და პირადი ჰიგიენის ნივთები. ისინი იქნებიან უზრუნველყოფილი საწერი კალმებით, თუმცა აპლიკანტებსაც შეუძლიათ გამოცდაზე საკუთარი გელიანი (ე. წ. ტუშის) 0,5-0,7 მმ. ბურთულიანი წვერის მქონე შავი ფერის კალმის შეტანა.


აპლიკანტებმა უნდა გაითვალისწინონ, რომ დაუშვებელია პასუხების ფურცლის გაკეცვა, შტრიხკოდის გაფერადება, დაზიანება და ა. შ.; ასევე მათ ეკრძალებათ ტესტირების მიმდინარეობისას ერთმანეთთან საუბარი/გადალაპარაკება; დახმარების მცდელობა ან სხვა პირისაგან დახმარების მიღება.

ზემოთ ჩამოთვლილი წესების დარღვევის შემთხვევაში, აპლიკანტი მიიღებს გაფრთხილებას, განმეორებითი გაფრთხილებისას კი, მოიხსნება გამოცდიდან.

ლექსიკონის, დამხმარე მასალის, მობილური ტელეფონის, საათის, კალკულატორის ან სხვა ელექტრონული აპარატურის აღმოჩენის შემთხვევაში (თუნდაც ელექტრონული ხელსაწყო გამორთული იყოს), აპლიკანტი გაფრთხილების გარეშე მოიხსნება გამოცდიდან. იგივე სანქცია გატარდება, წესრიგის უხეში დარღვევის ან საგამოცდო პროცესში მონაწილე პირის შეურცხყოფის, ასევე, ალკოჰოლის, ნარკოტიკული ან ფსიქოტროპული ნივთიერებების ზემოქმედების ქვეშ ყოფნის შემთხვევაში.

აღსანიშნავია, რომ ყველა საგამოცდო სექტორში დამონტაჟებულია ვიდეოკამერა და მთელი საგამოცდო პროცესი იწერება.



დასაკომენტარებლად გთხოვთ გაიაროთ ავტორიზაცია/რეგისტრაცია