შენახვა


გადაგზავნა

დაკომენტარება

ივანე მაჭავარიანი - ბოლო 10 წლის განმავლობაში ყოველწლიური ზრდის შედეგად განათლების დაფინანსება გასამმაგდა

პოლიტიკა
წყარო:  გურიის მოამბე / http://guriismoambe.com/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 13 ნოემბერი 2019

ბოლო 10 წლის განმავლობაში, ყოველწლიური ზრდის შედეგად, განათლების დაფინანსება გასამმაგდა, - ამის შესახებ ფინანსთა მინისტრმა ივანე მაჭავარიანმა 2020 წლის ბიუჯეტის პროექტში განათლების სფეროს დაფინანსების მნიშვნელობაზე საუბრისას განაცხადა.

მისი თქმით, 2020 წელს განათლების დაფინანსებისთვის 1.9 მილიარდ ლარამდე მიიმართება.

„აღსანიშნავია, რომ განათლების დაფინანსება გაზრდილია არა მხოლოდ ნომინალურ მაჩვენებლებში, არამედ მნიშვნელოვნად არის გაზრდილი მისი წილი ნაერთ ბიუჯეტში. 2010 წელს არსებული ბიუჯეტის 8.2%-იდან, ეს მაჩვენებელი 2020 წლისთვის გაზრდილია 11.9%-მდე და მათ შორის გათვალისწინებულია განათლების სისტემის მიმდინარე რეფორმის განხორციელებისათვის საჭირო ხარჯები“, - აღნიშნა ივანე მაჭავარიანმა.

დასაკომენტარებლად გთხოვთ გაიაროთ ავტორიზაცია/რეგისტრაცია