ცეცხლს ვეთამაშებით, იცოდეთ - ამირან გამყრელიძე მოსახლეობას აფრთხილებს

დაავადებათა კონტროლის ეროვნული ცენტრის დირექტორი ამირან გამყრელიძე კორონავირუსის ეპიდსიტუაციაზე საუბრობს. იგი აცხადებს, რომ არ გვაქვს დამშვიდებისა და მოდუნების უფალება.
მისი თქმით, მომავალი ორი-სამი კვირა იქნება ძალიან მძიმე იქნება.

"ერთი წუთით მოდუნების და დამშვიდების უფლება არ გვაქვს. ქალაქში ისევ დადის ბევრი მანქანა, ისევ დიდი მოძრაობაა თბილისში, ადამიანები ისევ იკრიბებიან, ეს დაუშვებელია. ცეცხლს ვეთამაშებით, იცოდეთ. მომავალი ორი-სამი კვირა იქნება ძალიან მძიმე, პირდაპირ გეტყვით, იმიტომ, რომ სამასს რომ გადავცილდებით, მოსალოდნელია, კიდევ უფრო სწრაფი ზრდა იყოს" - აცხადებს ამირან გამყრელიძე.