შენახვა


გადაგზავნა

დაკომენტარება

გიორგი გახარია სოფელ შალაურს ეწვია

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 19 მაისი 2020

საქართველოს პრემიერ-მინისტრმა გიორგი გახარიამ თელავის მუნიციპალიტეტის სოფელ შალაურში ახალი ტურისტული ობიექტის მშენებლობა დაათვალიერა, რომელიც სახელმწიფო პროგრამის – “უმასპინძლე საქართველოში” მხარდაჭერით შენდება და ტურისტების მისაღებად მომავალ წელს მზად იქნება.

მთავრობის მეთაურმა აღნიშნა, რომ ტურისტულად უსაფრთხო დანიშნულების ქვეყნის სტატუსის შეძენასთან ერთად, მნიშვნელოვანია, საქართველოში კიდევ უფრო მეტად განვითარდეს ახალი, მოთხოვნადი ტურისტული პროდუქტები, მათ შორის სამკურნალო და გამაჯანსაღებელი, სათავგადასავლო ტურიზმი, ეკო და აგროტურიზმი, ღვინის ტურიზმი და სხვა.

სასტუმრო “ქვევრებში” პირველ ეტაპზე 29 ნომერი იფუნქციონირებს, საიდანაც 20 ქვევრის ფორმის იქნება. გათვალისწინებულია საკონფერენციო დარბაზის და რესტორნის მოწყობაც. მშენებლობა 2021 წლის მაისში დასრულდება.

გიორგი გახარია თელავში გარემოს დაცვისა და სოფლის მეურნეობის მინისტრ, ლევან დავითაშვილთან და კახეთის გუბერნატორ ირაკლი ქადაგიშვილთან ერთად იმყოფებოდა.

დასაკომენტარებლად გთხოვთ გაიაროთ ავტორიზაცია/რეგისტრაცია