კახეთი

შენახვა


გადაგზავნა

დაკომენტარება

თელავში, სასტუმრო,, ალაზნის ველში” გარდაცვლილი მამაკაცი ექსპერტიზის ბიუროში გადაასვენეს

ახალი ამბები
წყარო:  კახეთის ხმა / https://knews.ge/ 
სტატიაში გამოქვეყნებულ მასალაზე პასუხისმგებელია ავტორი გამოცემა
ინფორმაციის გავრცელებას უზრუნველყოფს სააგენტო REGIONS.GE
 26 სექტემბერი 2020

თელავში, სასტუმრო,, ალაზნის ველში” განთავსებულ საკარანტინე სივრცეში გარდაცვლილი მამაკაცის ცხედარი გურჯაანში, ექსპერტიზის ბიუროშია გადასვენებული.

სწორედ ამის შემდეგ დადგინდება მამაკაცის გარდაცვალების ზუსტი მიზეზი.

შინაგან საქმეთა სამინისტროს კახეთის პოლიციის დეპარტამენტის ინფორმაციით, თელავში, საკარანტინო სივრცეში მამაკაცის გარდაცვალების ფაქტზე გამოძიება სისხლის სამართლის კოდექსის 115-ე მუხლით დაიწყო.

,, ჩატარებული საგამოძიებო ღონისძიებებით ამ ეტაპზე დგინდება, რომ ქალაქ თელავში ერთ-ერთ სასტუმროში, სადაც კოვიდპანდემიის გამო საკარანტინო სივრცე არის განთავსებული, 1991 წელს დაბადებული გ.გ. სასტუმროს პერსონალმა გარდაცვლილი ნახა.

აღნიშნული პირი 24 სექტემბერს საფრანგეთიდან დაბრუნდა საქართველოში, რის შემდეგაც თელავში სასტუმროს საცხოვრებელ ნომერში იყო გადაყვანილი.

გარდაცვლილი გადასვენებულია ექსპერტიზაზე კვლევების ჩატარების მიზნით”, – აცხადებენ შინაგან საქმეთა სამინისტროში.

დასაკომენტარებლად გთხოვთ გაიაროთ ავტორიზაცია/რეგისტრაცია