ქარელი-ხაშურის მაჟორიტარი კანდიდატი ნატო ჩხეიძე რუისელების მოთხოვნას შეუერთდა

ქარელი-ხაშურის ოლქის მაჟორიტარი კანდიდატი ნატო ჩხეიძე დღეს რუისში იმყოფებოდა და იმ ადამიანების მოთხოვნას შეუერთდა, ვინც რუსულ კომპანიაზე მიწის ნაკვეთის გასხვისებას აპროტესტებს. აქცია ცენტრალური სტადიონის მიმდებარედ გაიმართა, რომელიც სწორედ სადავო მიწას წარმოადგენს. ნატო ჩხეიძის თქმით, ხელისუფლებაში მოსვლის შემდეგ, აუცილებლად დაიცავს საპროტესტო აქციის მონაწილეების ინტერესებს. საქმე იმაშია, რომ სახელმწიფომ რუსში, ცენტრალური სტადიონის მიმდებარე ტერიტორია კომპანია ,,ბიგ სერვისს" მიყიდა.