გორში ფოსტის თანამშრომლები გაფიცვის გამო სამსახურიდან გაათავისუფლეს

საქართველოს ფოსტის გორის ფილიალის 11 თანამშრომელი გაათავისუფლეს. ამის შესახებ წერილები თითოეულმა თანამშრომელმა გენერალური დირექტორისგან მიიღო. 8 იანვრით დათარიღებულ წერილში წერია, რომ ფოსტის თანამშრომლებმა 2021 წლის 5 იანვრიდან ,,უკანონო გაფიცვა" მოაწყეს. ,,იმის გათვალისწინებით, რომ 2021 წლის 5 იანვრიდან უარს აცხადებთ ხელშეკრულებით გათვალისწინებული მოვალეობის შესრულებაზე, გაცნობებთ, რომ ფოსტასა და თქვენს შორის შრომითი ურთიერთობა შეჩერებულია." - იტყობინება გენერალური დირექტორი ლევან ჩიკვაიძე. როგორც ირკვევა, 2020 წლის 20 დეკემბერს გორის ფილიალის 11-მა თანამშრომელმა ოფიციალური წერილით ხელმძღვანელობას მისწერა. თანამშრომელთა მოთხოვნა სამუშაო პირობების გაუმჯობესებასა და ხელფასების მომატებას ეხებოდა. გენერალური დირექტორი