გორში წარჩინებული 9-კლასდამთავრებულები კომპიუტერებს მე-5 თვეა ელოდებიან

გორელ და გორის მუნიციპალიტეტში მცხოვრებ წარჩინებულ მეცხრეკლასელებს კომპიუტერს, სავარაუდოდ, მარტის ბოლომდე გადასცემენ. ამის შესახებ გორის საგანმანათლებლო რესურსცენტრის ხელმძღვანელმა, ნანა ტერმაკოზაშვილმა გვაცნობა. მისი თქმით, 2019-20 სასწავლო წელს გორის და გორის მუნიციპალიტეტის მასშტაბით 300 მოსწავლემ ცხრა კლასი წარჩინებით დაამთავრა, რის გამოც, კომპიუტერები გადაეცემათ. მოსწავლეებისათვის კომპიუტერების გადაცემის ცერემონია გორში 2020 წლის ოქტომბერში უნდა გამართულიყო, მაგრამ ღონისძიება კორონავირუსის პანდემიის გამო გადაიდო.