კასპში მომხდარ მკვლელობაში ბრალდებულს სამუდამო პატიმრობა მიუსაჯეს

კასპში ნოდარ ღუნაშვილის მკვლელობაში ბრალდებულ ზურაბ კახიშვილს სამუდამო პატიმრობა მიუსაჯეს. ამის შესახებ გადაწყვეტილება მოსამართლე დავით მაკარიძემ მიიღო. სასამართლომ მას მსჯავრი განსაკუთრებულ სისასტიკით ჩადენილი მკვლელობისთვის დასდო. ღუნაშვილი და კახიშვილი მეგობრები იყვნენ. ღუნაშვილის (მეტსახელად ,,კონტარას) ცხედარი მწყემსმა კასპის სასაფლაოს ტერიტორიაზე 2021 წლის 14 მარტს იპოვა. აღნიშნულ საქმეზე მსჯავრი დაედო კიდევ ერთ ბრალდებულს. ნოდარ ღუნაშვილის ყოფილ მეუღლეს, ქეთევან ჩხაიძეს სასამართლომ დანაშაულის დაფარვისთვის 5 წლითა და 6 თვით თავისუფლების აღკვეთა მიუსაჯა.