2-დღიანი ძებნის შემდეგ მდინარეში დაკარგული ბიჭის ცხედარი იპოვეს

2-დღიანი ძებნის შემდეგ ლიახვში დაკარგული ბიჭის ცხედარი იპოვეს. დინებამ ის მდინარე მტკვრისკენ გაიტაცა. დღეს დილიდან სოფელი თედოწმინდიდან გორამდე, მიმდინარეობდა მდინარე ლიახვის ზედაპირის დათვალიერება. სამაშველო სამსახურის ცნობით, სამძებრო-სამაშველო ღონისძიებაში ჩართული იყო 2 მცურავი, დრონით აღჭურვილი საფრენი აპარატი, 15 მეხანძრე-მაშელი და თბილისიდან გამოგზავნილი, განსაკუთრებულ სიტუაციებზე რეაგირების 6-კაციანი ჯგუფი, მათ შორის 2 მყვინთავი. დაღუპულია 22 წლის მამაკაცი. როგორც თედოწმინდელები ამბობენ, ბიჭები მდინარე ლიახვის სანაპიროზე დევნილთა დასახლებიდან მივიდნენ. თედოწმინდელები იმასაც აღნიშნავენ, რომ არ იყო საბანაო ადგილი, რადგან მდინარე ადიდებულია და სწრაფი დინება აქვს.